អ៊ុយក្រែន៖ ប្រធានាធិបតីអ៊ុយក្រែន លោក Volodymyr Zelenskyy កាលពីថ្ងៃចន្ទបានចាត់ទុកការវាយប្រហាររបស់រុស្ស៊ីលើទីក្រុងនានារបស់អ៊ុយក្រែនថា ជាតាកទិកភេរវកម្មសមញ្ញ នៅក្នុងសុន្ទរកថារបស់លោក។

លោក Zelenskyy និយាយនៅពេលកំពុងឈរនៅ​ចំណុច​ប្រសព្វ​មួយក្នុងទីក្រុងគីវ ដែលហ៊ុំព័ទ្ធដោយការខូចខាតថា សូមសម្លឹងមើលគោលដៅពិតប្រាកដ រុស្ស៊ីតែងតែដាក់គោលដៅលើរោងចក្រថាមពលនៅជុំវិញប្រទេស និងប្រជាជនគឺជាគោលដៅសំខាន់នៃការវាយប្រហារទាំងនេះ។

ក្នុងអំឡុងពេលសុន្ទរកថា លោកបានរាយបញ្ជីទីតាំងវប្បធម៌ និងប្រវត្តិសាស្ត្រជាច្រើន​កន្លែងដែលរងការខូចខាតដោយការវាយប្រហារ ដូចជាសាកលវិទ្យាល័យដែលមាន​អាយុកាល190ឆ្នាំនិងសាលសិល្បៈ ព្រមទាំងទីតាំងដែលមានសារៈសំខាន់ចំពោះសាសនា​គ្រឹស្តនៅអឺរ៉ុបខាងកើត។

លោក Zelenskyy និយាយថា អ៊ុយក្រែនមិនអាចត្រូវបានគេ​បំភិតបំភ័យ​បាននោះទេ។ មានតែការរួបរួមគ្នាកាន់តែច្រើនហើយពិភពលោកទាំងមូលបានកត់សម្គាល់ពីសកម្មភាពដែលបានឃើញ។

អភិបាលក្រុងគីវ លោកVitali Klitschko បានចុះពិនិត្យស្ពានដែលបានរងការវាយប្រហារ​ដោយមីស៊ីល​កាលពីថ្ងៃចន្ទ។ ស្ពានសម្រាប់អ្នកថ្មើរជើង Klitschko នៅកណ្តាលទីក្រុងគីវ មាន​ផ្ទាំង​កញ្ចក់នៅលើនោះ។ វីដេអូ បានបង្ហាញពីការបំផ្ទុះដ៏ខ្លាំងនៅក្រោមស្ពាន ដោយមានផ្សែងហុយឡើង ហើយបុរសម្នាក់បានរត់គេចខ្លួនបន្ទាប់ពីការផ្ទុះ។ ពុំ​មាន​ការ​ខូច​ខាត​អ្វី​គួរ​ឲ្យ​កត់​សម្គាល់​ចំពោះ​ស្ពាន​នេះ​ភ្លាមៗ​នោះទេ។ ដោយ​កំពុងនិយាយ​ខណៈ​លោក​​ថត​ការ​ខូច​ខាត​តាម​ទូរស័ព្ទ​ ហើយ​បាន​រើស​កញ្ចក់​និង​កម្ទេចកម្ទីស្ពាន Klitschko លោក បាន​និយាយ​ថា លោក​ប្រាកដ​ថា​ស្ពាន​នឹង​ត្រូវ​បាន​ជួសជុល​ឡើង​វិញ​ក្នុង​ពេល​ប៉ុន្មាន​ថ្ងៃខាងមុខនេះ៕