ប៉េរូ៖ វ៉ាក់សាំងការពារជំងឺគ្រុនផ្តាសាយរាប់ពាន់ដូសត្រូវបានរកឃើញនៅលើឆ្នេរសមុទ្រ Oquendo ក្នុងប្រ ទេសប៉េរូ ក្នុងអំឡុងពេលយុទ្ធនាការសម្អាតឆ្នេរ ធ្វើឡើងដោយអង្គការមិនមែនរដ្ឋាភិបាល Vida ។

សកម្មជន និងបុគ្គលិកមកពីអង្គការ Vida បានចាប់ផ្តើមសកម្មភាពប្រមូលសំរាម ហើយ​បានរាយការណ៍​ពីការរកឃើញវ៉ាក់សាំងដែលបានបង្ហោះតាមរយៈប្រព័ន្ធផ្សព្វផ្សាយ​សង្គម​កាលពីថ្ងៃចន្ទ ខណៈ ពួកគេបន្តការងារសម្អាតឆ្នេរសមុទ្រ។

លោក Arturo Alfaro មកពីអង្គការបរិស្ថាន Vida បាននិយាយថា មានវ៉ាក់សាំងរាប់ពាន់ដូសចេញ​ពីមន្ទីរ​ពិសោធន៍ប្រទេសអាល្លឺម៉ង់ GlaxoSmithKline ។

ក្រសួង​សុខាភិបាល​ បាន​ច្រានចោល​ក្នុង​សេចក្តី​ថ្លែងការណ៍​មួយ​ដែល​ថា អាជ្ញាធរ​សុខាភិបាល​រដ្ឋ​មិន​បាន​ផ្គត់ផ្គង់​វ៉ាក់សាំង​នោះ​ទេ។

អង្គការ Vida និយាយថា ពួកគេបានសម្អាតឆ្នេរសមុទ្រអស់រយៈពេលពីរទសវត្សរ៍មកហើយ ហើយវាជារឿងធម្មតា​ ក្នុងការរកឃើញកាកសំណល់វេជ្ជសាស្ត្រដូចជា ​សឺរ៉ាង និងបំពង់សំណាកធ្វើតេស្តឈាម៕