សហរដ្ឋអាមេរិក៖ កាលពីថ្ងៃព្រហស្បតិ៍ម្សិលមិញ អំឡុងថ្លែងសន្ទរកថានៅសេតវិមាន ប្រធានាធិបតីសហរដ្ឋអាមេរិក លោក ចូ បៃដិន បានចាត់ទុកអំពើហិង្សាអាវុធថា ជាការរីករាលឆ្លងជំងឺ និងជាភាពអាម៉ាស់អន្តរជាតិមួយសម្រាប់ប្រទេសរបស់លោក ហើយលោកចង់គ្រប់គ្រងឲ្យបានបញ្ហាមួយនេះ។
លោក បៃដិន បានចាត់ទុកការបាញ់ប្រហារថា ជាវិបត្តិសុខភាពសាធារណៈ។ លោកនិយាយថា វាគឺជាការរីករាលដាលឆ្លងជំងឺមួយ ហើយយើងត្រូវតែបញ្ឈប់វា។ លោកបន្តថា វាគឺជាភាពអាម៉ាស់អន្តរជាតិសម្រាប់សហរដ្ឋអាមេរិក ហើយវាដល់ពេលដែលត្រូវមានវិធានការបង្ក្រាបខ្លះហើយ។ ស្របពេលដែលសភាពមិនអាចឈានដល់ ការបង្កើតច្បាប់ថ្មីលើការគ្រប់គ្រងអាវុធ ដូចជាការត្រួតពិនិត្យតឹងរ៉ឹងជាងមុនលើអ្នកទិញអាវុធ លោក បៃដិន បានប្រកាសវិធានការប្រតិបត្តិចំនួន ៦ ដែលលោកបានអះអាងថា វានឹងជួយកាត់បន្ធូរបន្ថយវិបត្តិមួយនេះ។ ភ្លាមៗនោះដែរ ក្រុមសាធារណរដ្ឋបានវាយប្រហារលើសំណើរបស់លោក បៃដិន ក្នុងនោះមេដឹកនាំជាន់ខ្ពស់មួយរូបនៅសភាមកពីគណបក្សមួយនេះគឺលោក ខេវិន ម៉ាក់ខាធី បានព្រមានពីការបំពានច្បាប់រដ្ឋធម្មនុញ្ញ៕
អត្ថបទ៖ សារ៉ាត់
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
