​បាល់​ឱប៖ ​ឃាតក​បាញ់សម្លាប់​មនុស្ស ៥​នាក់​នៅ​រដ្ឋ South Carolina សហរដ្ឋអាមេរិក​គឺជា​អតីត​កីឡាករ​បាល់​ឱប NFL អាមេរិក Phillip Adams ដែល​ក្រោយមក​បាន​បាញ់សម្លាប់​ខ្លួនឯង​ម្សិលមិញ នេះ​បើ​តាម​ប្រភព​ព័ត៌មាន​ដែល​បាន​សង្ខេប​ពី​ការស៊ើបអង្កេត​។​

​​ប្រភព​ដដែល​បាន​បន្ត​ថា ​ឪពុកម្ដាយ​របស់ Adams រស់នៅ​ក្បែរ​ផ្ទះ​របស់​វេជ្ជបណ្ឌិត​នៅ Rock Hill ហើយ​គាត់​ត្រូវ​បាន​ព្យាបាល​ដោយ​គ្រូពេទ្យ​។ Phillips បាន​សម្លាប់​ខ្លួន ​បន្ទាប់​ពី​ពាក់​កណ្ដាល​​​អាធ្រាត្រ​ជាមួយ​នឹង​កាំភ្លើងខ្លី​។​ ​ការិយាល័យ​នគរបាល York County បាន​និយាយ​ថា​ ពួកគេ​បាន​ស្រាវជ្រាវ​អស់​ជាច្រើន​ម៉ោង ​មុន​ពេល​រក​ឃើញ​ជនសង្ស័យ​នៅ​ក្នុង​ផ្ទះ​ក្បែរ​នោះ​។​ ​Adams វ័យ ៣៣​ឆ្នាំ​បាន​លេង​ជា​ខ្សែ​ការពារ​ សម្រាប់​ក្រុម​ជាច្រើន​ដូចជា 49ers និង Atlanta Falcons ជាដើម​។ Phillip Adams ក៏បាន​រង​របួស​ជាច្រើន​នៅ​ក្នុង​អាជីព​នៅ NFL ផង​ដែរ​។​ ​​លោក Robert Robert Llie អាយុ ៧០​ឆ្នាំ ​និង​ភរិយា​ឈ្មោះ Barbara Lesslie អាយុ ៦៩​ឆ្នាំ​ត្រូវ​បាន​គេ​ប្រកាស​ថា បាន​ស្លាប់​នៅ​នឹង​កន្លែង​ជាមួយ​នឹង​ចៅ​ៗ ឈ្មោះ Adah Lesslie អាយុ ៩ឆ្នាំ ​និង Noah Lesslie អាយុ ៥​ឆ្នាំ​។​

អ្នកនាំពាក្យ​ការិយាល័យ​ប៉ូលីស​ប្រចាំ​តំបន់ York លោក Trent Faris បាន​និយាយ​ថា ​បុរស​ម្នាក់​ដែល​កំពុង​ធ្វើ​ការ​នៅផ្ទះ​ឈ្មោះ James Lewis អាយុ ៣៨​ឆ្នាំ​មកពី Gaston ត្រូវ​បាន​គេ​ប្រទះឃើញ​ត្រូវ​បាន​បាញ់​សម្លាប់​នៅ​ខាងក្រៅ​ ហើយ​មនុស្ស​ទី​៦ ត្រូវ​បាន​បញ្ជូន​ទៅកាន់​មន្ទីរពេទ្យ​ដោយ​មាន​របួស៕

​អត្ថបទ​៖​នាង សុភា​វុ​ធ