ភ្នំពេញ៖ កិច្ចប្រជុំក្រុមប្រឹក្សាសហគមន៍សង្គម វប្បធម៌អាស៊ាន ដែលធ្វើឡើងនៅថ្ងៃទី១៣ ខែតុលាឆ្នាំ ២០២២នេះ បានឈានដល់ការបញ្ចប់។ ក្រោយបិទបញ្ចប់គឺទទួលបានបាននូវឯកសារលទ្ធផលចំនួន ៣១ ដែលនឹងត្រូវយកទៅអនុម័ត និងកត់សម្គាល់សម្រាប់កិច្ចប្រជុំពូលអាស៊ានដែលនឹងប្រព្រឹត្តទៅនៅខែ វិច្ឆិកាខាងមុខ។
កិច្ចប្រជុំក្រុមប្រឹក្សាសហគមន៍សង្គម វប្បធ៌មអាស៊ាន ដែលកម្ពុជា ធ្វើជាម្ចាស់ផ្ទះនៅថ្ងៃទី ១៣ ខែតុលានេះ បានឈានដល់ការបិទបញ្ចប់។ ក្រោយការបិទបញ្ចប់ ឯកឧត្តម ហង់ ជួនណារ៉ុង តំណាងជាតិសម្រាប់សហគមន៍សង្គម វប្បធម៌អាស៊ាន និងវត្តមានឯកឧត្តម Lim Jockhoi អគ្គលេខាធិការអាស៊ាន ក៏បានធ្វើសន្និសីទសារព័ត៌មាន ដោយវាយតម្លៃពីភាពជោគជ័យនៃកិច្ចបបរជុំនេះផងដែរ។ ជាលទ្ធផល គឺមានការសម្រេចនូវ ឯកសារលទ្ធផលចំនួន ៣១ ដែលនឹងត្រូវយកទៅអនុម័ត និងកត់សម្គាល់សម្រាប់កិច្ចប្រជុំពូលអាស៊ានដែលនឹងប្រព្រឹត្តទៅនៅខែ វិច្ឆិកាខាងមុខ។
ពាក់ព័ន្ធនឹងចំណុចនេះ ឯកឧត្តម ហង់ ជួនណារ៉ុន បានបញ្ជាក់ថែមថា ឯកសារលទ្ធផលចំនួន ១១ គឺនឹងត្រូវបានអនុម័ត ខណ:ឯកសារលទ្ធផលចំនួន ២០ទៀត គឺនឹងត្រូវកត់សម្គាល់។ ឯកឧត្តម បន្តថាចំនួននេះ គឺច្រើនជាងឯកសារលទ្ធផលនៃកិច្ចប្រជុំកន្លង។ ក្នុងឯកសារលទ្ធផលទាំងនោះ ក៏មានការផ្តោតលើកីឡា យុវជន ការអប់រំបែបឌីជីថល និងវិស័យជាច្រើនផ្សេងទៀត។
ក្នុងសន្និសីតនេះ ឯកឧត្តម Lim Jockhoi អគ្គលេខាធិការអាស៊ាន ក៏បានវាយតម្លៃខ្ពស់ចំពោះការដឹកនាំកិច្ចប្រជុំនេះបានជោគជ័យផងដែរ។ ឯកឧត្តមបង្ហាញការស្វាគមរង់ចាំប្រទេសឥណ្ឌូនេស៊ីធ្វើជាម្ចាស់ផ្ទះកិច្ចបហរជុំកំពូលអាស៊ាននៅឆ្នាំក្រោយផងដែរ។
ក្នុងឱកាសកិច្ចប្រជុំក្រុមប្រឹក្សាសហគមន៍សង្គម វប្បធ៌មអាស៊ាន នេះ ក៏មានព្រឹត្តិការណ៍យុវជនជាព្រឹត្តិការណ៍អមសំខាន់ចំនួន ៤ផងដែរ។ ក្នុងនោះរួមមាន កិច្ចសន្ទនាយុវជនដែលធ្វើឡើងនៅខេត្តសៀមរាប ការប្រកួតប្រជែងវីដេអូយុវជនអាស៊ាន ការប្រកួតប្រជែងរូបថតអាស៊ាន និងការជជែកដេញដោលយុវជនអាស៊ាន៕ អត្ថបទ៖ គឹមហុក
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
