UN៖ របាយការណ៍មួយដែលត្រូវបានបង្ហាញដោយសារព័ត៌មាន Reuters បាននិយាយថា ទីភ្នាក់ងារថាមពលអាតូមិកអន្តរជាតិ របស់អង្គការសហប្រជាជាតិកាលពីថ្ងៃសុក្រ បានបង្ហើបពីការបំពានជាថ្មីធ្វើឡើងដោយប្រទេសអ៊ីរ៉ង់ លើកិច្ចព្រមព្រៀងនុយក្លេអ៊ែររបស់ខ្លួន ជាមួយប្រទេសមហាអំណាច នៅថ្ងៃដែលប្រទេសមហាអំណាចទាំងនោះបានជួបប្រជុំគ្នា ដើម្បីស្រោចស្រង់កិច្ចព្រមព្រៀងនេះ ដែលទំនងជាការកើនឡើងភាពតានតឹង ជាមួយប្រទេសមហាអំណាចលោកខាងលិច។
កិច្ចពិភាក្សាដែលកំពុងប្រព្រឹត្តទៅ ក្នុងគោលបំណងនាំសហរដ្ឋអាមេរិកត្រឡប់ចូល ទៅកាន់កិច្ចព្រមព្រៀងនុយក្លេអ៊ែរឆ្នាំ២០១៥ ឡើងវិញជាមួយអ៊ីរ៉ង់បានបញ្ចប់ទៅកាលពីថ្ងៃសុក្រ ដោយពុំមានសញ្ញាភ្លាមៗណាមួយបង្ហាញពីការរីកចម្រើន លើបញ្ហាដែលកំពុងធ្វើឲ្យទីក្រុងវ៉ាស៊ីនតោនបែកបាក់ជាមួយទីក្រុងតេអេរ៉ង់។ ប៉ុន្តែគណៈប្រតិភូចរចានៃបរិយាកាសប្រកបដោយស្ថាបនា និងការស្វែងរកដំណោះស្រាយនឹងនៅតែបន្ត។ ការចរចានេះបានប្រព្រឹត្តទៅដោយគ្មានវត្តមានសហរដ្ឋអាមេរិក ដែលបានចាកចេញពីកិច្ចព្រមព្រៀងនុយក្លេអ៊ែរដោយឯកតោភាគី ដែលត្រូវគេស្គាល់ថា ជាផែនការសកម្មភាពគ្រប់ជ្រុងជ្រោយក្នុងឆ្នាំ២០១៨ ក្រោមអតីតរដ្ឋបាលលោកប្រធានាធិបតី Donald Trump៕
អត្ថបទ៖ សុខមាន
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
