ភ្នំពេញ៖ ដើម្បីពង្រឹងគុណភាពសេវាប្រៃសណីយ៍ឲ្យកាន់តែមានភាពល្អប្រសើរឡើង ប្រៃសណីយ៍​កម្ពុជា កំពុងកែទម្រង់ប្រព័ន្ធរាប់បញ្ចូលទាំងប្រព័ន្ធឌីជីថលផងដែរ។

ក្នុងកិច្ចសំភាសន៍ជាមួយBTV លោកស្រី ហាស់ ដួងលក្ខណា ​អគ្គនាយករងប្រៃសណីយ៍កម្ពុជា បានឲ្យដឹងថា ​បច្ចុប្បន្ន សេវាប្រៃសណីយ៍កម្ពុជា ​កំពុងមានការគាំទ្រច្រើនពី​អតិថិជន​ ទាំងនៅ​ក្នុងស្រុក និងបរទេស។ ការគាំទ្រដោយសារសេវាប្រៃសណីយ៍ផ្តល់ភាពងាយស្រួល និងដឹកជញ្ជូន​បញ្ញើឆាប់រហ័ស ​ដល់អតិថិជន។

លោកស្រី បានបញ្ជាក់ថា ប្រៃសណីយ៍កម្ពុជា ​កំពុងកែទម្រង់ប្រព័ន្ធផ្ទៃក្នុង រួមបញ្ចូលប្រព័ន្ធឌីជី ​ថល និងពង្រីកសេវាផ្សេងៗទៀត ​ដើម្បីពង្រឹងគុណភាពសេវាឲ្យកាន់តែមានភាពល្អប្រសើរជូនដល់អតិថិ ជន។

ប្រៃសណីយ៍កម្ពុជា មានបម្រើសេវាកម្មជាច្រើនប្រភេទ រួមមាន​ បញ្ញើប្រៃសណីយ៍ក្រៅប្រទេស, បញ្ញើ​ប្រៃសណីយ៍​ឆាប់រហ័សក្នុងប្រទេស និងគ្រប់ខេត្ត-ក្រុង, សេវាចែកខិតបណ្ណ និងលិខិតផ្សាយ​ពាណិជ្ជ កម្មផ្សេងៗ, សេវាជួលរថយន្ដទេសចរណ៍ ​និងសេវាដឹកអ្នកដំណើរ ។ល ៕អត្ថបទ៖ ទូច សោភ័ណ