​អ៊ីរ៉ង់​៖ ប្រធានាធិបតី​អ៊ីរ៉ង់ លោក Hassan Rouhani ​បាន​ប្រកាស​កាលពី​ថ្ងៃ​សៅរ៍​ថា ​អ៊ីរ៉ង់​បាន​ចាប់ផ្ដើម​ធ្វើ​តេស្ត​មេកានិច​លើ​ម៉ាស៊ីន​ចម្រាញ់​សារធាតុ​អ៊ុយ​រ៉ានី​ញ៉ូ​ សម្រាប់​ផលិត​នុយក្លេអ៊ែរ​ទំនើប​ថ្មី​បំផុត​របស់​ខ្លួន​។​

​ជំនាន់​ចុងក្រោយ​នៃ​ម៉ាស៊ីន​ចម្រាញ់​សារធាតុ​អ៊ុយ​រ៉ានី​ញ៉ូ​ម​ថ្មី IR-9 អាច​បម្លែង​សារធាតុ​គីមី​របស់​អ៊ុយ​រ៉ានី​ញ៉ូ​មបាន​លឿន​ ជាង​ម៉ាស៊ីន​ចម្រាញ់​ដែល​កំពុង​ប្រើប្រាស់​នៅ​ពេល​បច្ចុប្បន្ន ដែល​អាច​ធ្វើ​ឲ្យ​អ៊ីរ៉ង់​បង្កើន​ការ​ចម្រាញ់​អ៊ុយ​រ៉ានី​ញ៉ូ​ម​ ក្នុង​ល្បឿន​លឿន​ជាង​មុន​។​ ទូរទស្សន៍​រដ្ឋ​បាន​រាយការណ៍​ថា ​ក្នុង​ពិធី​បើក​សម្ពោធ​បើក​ឲ្យ​ប្រាស់​ប្រាស់​នោះ លោក Rouhani បាន​និយាយ​អំពី ​''សមិទ្ធផល​ដ៏​អស្ចារ្យ​'' របស់​ក្រុម​អ្នកវិទ្យាសាស្ត្រ​នៃ​អង្គការ​ថាមពលបរមាណូ​អ៊ីរ៉ង់ (AEOI)។​ លោក Rouhani ​បាន​និយាយ​នៅ​ទិវា​នុយក្លេអ៊ែរ​ប្រចាំ​ឆ្នាំ​របស់​អ៊ីរ៉ង់​ថា "​យើង​កំពុង​អនុលោម​តាម​សន្ធិសញ្ញា​មិន​សាយភាយ​អាវុធ​នុយ​ក្លេអ៊ែរ​ ហើយ​មិន​ស្វែងរក​គោលដៅ​យោធា​ទេ​"។​

​លោក​បាន​បន្ថែម​ថា ដូច្នេះ​ហើយ​កម្មវិធី​នុយក្លេអ៊ែរ​សន្តិភាព​ គឺជា​សិទ្ធិ​ស្របច្បាប់​របស់​យើង ​ដែល​យើង​នឹង​បន្ត​អនុវត្តន៍​ដោយ​គ្មាន​ជំនួយ​ពី​បរទេស​។​ យោង​តាម​អង្គការ​ថាមពលបរមាណូ​អ៊ីរ៉ង់ ម៉ាស៊ីន​ចម្រាញ់​សារធាតុ​អ៊ុយ​រ៉ានី​ញ៉ូ​ម​ថ្មី ​នឹង​អាច​បង្កើន​ការផលិតដល់​ទៅ ៦០%។ ទិន្ន​ផល​របស់ IR-9 គឺ​លឿន​ជាង​ម៉ាស៊ីន​ចម្រាញ់​លើកដំបូង​របស់​អ៊ីរ៉ង់ ​ដែល​មាន​ឈ្មោះថា IR-1 ដល់​ទៅ ៥០ដង​៕

អត្ថបទ៖ សុខមាន