ភ្នំពេញ៖ អគ្គីភ័យឆាប់ឆេះផ្ទះបងប្អូនប្រជាពលរដ្ឋដែលចាក់សោរទុកចោលមួយកន្លែងនៅមូលដ្ឋានខណ្ឌបឹងកេងកង បង្កការភ្ញាក់ផ្អើលដល់​ប្រជាពលរដ្ឋនិងកម្លាំង​សមត្ថកិច្ចចេញ​រថយន្តជាច្រើនគ្រឿង​ជួយបាញ់ពន្លត់។តែសំណាងល្អក្នុងករណីអគ្គិភ័យនេះមិនបង្កឲ្យមានមនុស្សរងរបួសឡើយហេតុការគ្រោះអគ្គិភ័យ​នេះ​បានកើតឡើង​នៅវេលាម៉ោង៣ និង ៥០នាទីល្ងាចថ្ងៃទី ២១ ខែតុលា ឆ្នាំ ២០២២ ស្ថិតនៅចំណុចផ្ទះកែងផ្លូវលេខ២៨២ តែជាមួយនឹងវិថី ព្រះត្រសក់ផ្អែម មូលដ្ឋានសង្កាត់បឹងកេងកងទី១ ខណ្ឌបឹងកេងកងរាជធានីភ្នំពេញ។

តាមប្រភពព័ត៌មានពីបងប្អូនប្រជាពលរដ្ឋបានឲ្យដឹងថាមុនពេលកើតហេតុឃើញមានផ្សែងហ៊ុយចេញពីខាងក្នុងផ្ទះដែលចាក់សោរទុកចោល ភ្លាមនោះផ្សែងកាន់​តែខ្លាំងបណ្ដាលភ្លើងកាន់តែ​ធំបង្កការឆាបឆេះរាលដាលយ៉ាងសន្ធោសន្ធៅនៅខាងក្នុងផ្ទះ បងប្អូនពលរដ្ឋបានរាយការណ៍ទៅអាជ្ញាធរមូលដ្ឋានបានទាក់ទងទៅកម្លាំងជំនាញការិយាល័យបង្ការ ពន្លត់អគ្គីភ័យ និងសង្គ្រោះ​បានចេញរថយន្តគ្រប់គោលដៅជាច្រើនគ្រឿងបានមកដល់កន្លែងកើតហេតុដើម្បីធ្វើការបាញ់ពន្លត់។

តើការគ្រោះភ័យដែរលោកវរសេនីយ៍ឯកស៊ឹម ពិសិដ្ឋ អធិការនៃ អធិការរដ្ឋាននគរបាលខណ្ឌបឹងកេងកង បានប្រាប់ឲ្យដឹងថាទីតាំងដែល​កើតទេនេះគឺជាទីតាំងដែល​បានចាក់សោទុកចោល​មិនមានបងប្អូនពលរដ្ឋរស់នៅ និងខូចខាតសម្ភារៈ នោះទេ គ្រាន់តែខូចខាតតួផ្ទះ តែសំណាងល្អមិនបណ្ដាលឲ្យមានមនុស្សរងរបួសឡើយ។

នៅក្នុងប្រតិបត្តិការបាញ់ពន្លត់អគ្គីភ័យនេះផងដែរកម្លាំងសមត្ថកិច្ចបង្ការ ពន្លត់និងសង្គ្រោះបានប្រើប្រាស់រថយន្តពន្លត់អគ្គីភ័យជាច្រើនគ្រឿងដើម្បីជួយអន្តរាគមន៍បាញ់ពន្លត់រហូតជាស្ថាពរ។ ចំពោះបងប្អូនណាទៀតសន្និដ្ឋានជំហានដំបូងបណ្ដាលមកពីឆ្លងចរន្តអគ្គិសនី៕ អត្ថបទ៖ កុម្ភៈ