មណ្ឌលគិរី ៖ ថ្លែងក្នុងសន្និសីទសារព័ត៌មាន ស្ដីពីយុទ្ធនាការអន្ទាក់សូន្យ៖ បញ្ឈប់ការជួញដូរសត្វព្រៃ នាថ្ងៃទី ២២ ខែតុលា ឆ្នាំ ២០២២ ក្នុងខេត្តមណ្ឌលគិរី ឯកឧត្តម នេត្រ ភក្រ្តា រដ្ឋលេខាធិការ និងជាអ្នកនាំពាក្យ​ក្រសួងបរិស្ថាន​ បានលើកឡើងថា ​ក្នុងរយៈពេល ១៨ខែបង្ក្រាបបទល្មើសការជួញដូរសត្វព្រៃ និង​រឹបអូសបាន​ចំនួន ១៣៥៣ គីឡូក្រាម ដោយក្នុងនោះក្នុងខេត្តមណ្ឌលគិរីតែមួយក្នុងរយៈពេល ៦ខែបង្ក្រាប​បានចំនួន ២៣៥ គីឡូក្រាម ។

ឯកឧត្តមរដ្ឋលេខាធិការ បានលើកឡើងទៀតថា តាមរយៈកិច្ចខិតខំប្រឹងប្រែងជារួមរវាង​ក្រសួង​បរិស្ថាន ​អង្គការ WWF ព្រមទាំងអង្គការដៃគូ ​ព្រមទាំង​រដ្ឋបាលខេត្ត ​សកម្មភាព​នៃការបង្រ្កាប និង​ទប់ស្កាត់ការបរបាញ់ ​និងជួញដូរមានការកើនឡើង ​ព្រមជាមួយគ្នានេះ ​ក្នុងរយៈពេល​ ៨ខែ​អន្ទាក់​ចំនួនជិត ៣ម៉ឺនត្រូវបានដោះចេញ៕