អន្ដរជាតិ៖ មនុស្ស ៨នាក់ ត្រូវបានសម្លាប់កាលពីថ្ងៃអាទិត្យ ក្រោយពេលក្រុមជីវពលវាយប្រហារមកលើ​សណ្ឋាគារមួយកន្លែង​ ស្ថិត​នៅ​ក្នុងទីក្រុងកំពង់​ផែ Kismayo ប្រទេសសូម៉ាលី គឺជាការវាយប្រហារមួយចាប់ផ្តើមដោយការ​បំផ្ទុះគ្រាប់បែកអត្តឃាត មុន​ពេលក្រុមខ្មាន់កាំភ្លើងសម្រុកចូល និងបាញ់ប្រហារជាមួយកងកម្លាំងសន្តិសុខ។ យោងតាមសេចក្តីរាយការណ៍ពីសារព័ត៌មានរដ្ឋ បានឲ្យដឹងថា ក្រោយមកកងកម្លាំងសន្តិសុខមកពីទីក្រុង Jubaland បានបញ្ចប់ការឡោមព័ទ្ធ ដោយបានសម្លាប់ក្រុមខ្មាន់កាំភ្លើង និងសង្រ្គោះមនុស្សរាប់សិបនាក់៕