​​ហ្វីលីពីន៖ រូបភាព​ប្លែកៗ​នៃ​និស្សិត​កំពុង​ពាក់​មួយ​ដែល​គេ​ឲ្យ​ឈ្មោះថា ការពារ​ការ​លួច​ចម្លង អំឡុង​ការ​ប្រលង​ថ្នាក់​មហាវិទ្យាល័យ បាន​ផ្ទុះ​ការចាប់អារម្មណ៍​ខ្លាំង​ពេញ​បណ្ដាញ​សង្គម​នៅ​ប្រទេស​ហ្វីលីពីន​។

​និស្សិត​នៅ​មហាវិទ្យាល័យ​មួយ​ក្នុង​ទីក្រុង Legazpi ត្រូវ​បាន​ស្នើ​ឲ្យ​ពាក់មួក​ ឬ​របាំង ដែល​នឹង​ការពារ​មិន​ឲ្យ​មានការ​លួច​មើល​ក្រដាស​វិញ្ញាសា​របស់​អ្នកដទៃ​។ មាន​និស្សិត​ជាច្រើន​ត្រូវ​បាន​ឆ្លើយតប ដោយ​ការ​ច្នៃ​ប្រឌិត​វត្ថុ​ធ្វើ​ពី​ក្រដាស​កាតុង ប្រអប់​ដាក់​ស៊ុត និង​វត្ថុ​ផ្សេងទៀត​ដែល​អាច​កែច្នៃ​ប្រើ​ប្រាស់​ឡើងវិញ។​ គ្រូបង្រៀន​របស់​ពួកគេ​បាន​ប្រាប់​ទូរទស្សន៍ BBC ​ថា អ្នកស្រី​កំពុង​សម្លឹង​រក​វិធី​បែប​ប្លែកៗ​សប្បាយ​ៗ​ ដើម្បី​ធានា​ភាព​ត្រឹមត្រូវ និង​ស្មោះត្រង់​នៅ​ក្នុង​ថ្នាក់រៀន​របស់​អ្នកស្រី​។

​លោកស្រី Mary Joy Mandane-Ortiz សាស្ត្រាចារ្យ​ផ្នែក​វិស្វកម្ម​គ្រឿង​ម៉ាស៊ីន​នៅ​សាកលវិទ្យាល័យ Bicol University College of Engineering បាន​និយាយ​ថា គំនិត​ច្នៃប្រឌិត​នេះ​ពិត​ជា​មាន​ប្រសិទ្ធភាព​មែន​។ វិធានការ​នេះ​ត្រូវ​បាន​អនុវត្តន៍​សម្រាប់​ការ​ប្រលង​ឆមាស ឬ mid-term នា​ពេល​ថ្មីៗ ដែល​ត្រូវ​បាន​អនុវត្តន៍​ដោយ​និស្សិត​រាប់​រយ​នាក់​នៅ​មហាវិទ្យាល័យក្នុង​សប្ដាហ៍​ទី​៣​ នៃ​ខែ​តុលា​នេះ​។​ ​លោក​ស្រី​សាស្ត្រាចារ្យ Mandane-Ortiz បាន​និយាយ​ថា សំណើ​ដំបូង​របស់​អ្នកស្រី​ទៅកាន់​និស្សិតគឺ​ការ​ច្នៃ​បង្កើត​ពី​ក្រដាស​បែប​សាមញ្ញ​ៗ​៕

អត្ថបទ៖ សុខមាន