ភ្នំពេញ៖ ឯកឧត្តម ប៉ាក់ សុខុម រដ្ឋលេខាធិការក្រសួងទេសចរណ៍ នៅថ្ងៃទី២៦ ខែតុលានេះ បានបើកកិច្ចប្រជុំបូកសរុបលទ្ធផលការងាត្រីមាសទី៣ និងលើកទិសដៅអនុវត្តបន្តត្រីមាសទី៤ ឆ្នាំ២០២២ របស់គណៈកម្មការគ្រប់គ្រងគម្រោង HoKa ហើយតាមរយៈការអនុវត្តគម្រោងនេះ អង្គការ​ស្វីល ខនថាក់ ​បានសម្រចកាត់ជំនួយពីប្រទេសមីយ៉ាន់ម៉ា មកពង្រីកការបណ្តុះបណ្តាល​ជំនាញទេសចរណ៍ចំនួន៥ខេត្តបន្ថែមទៀត។

ឯកឧត្តម ប៉ាក់ សុខុម ថ្លែងថា នៅក្នុងត្រីមាសទី៣កន្លងមកនេះ ​គណៈកម្មការគ្រប់គ្រងគម្រោង ហូកា ​បានអនុវត្តគម្រោងផ្តល់ការបណ្តុះបណ្តាលជំនាញវិជ្ជាជីវៈជំរុញការផ្តល់ឱកាសការងារ និង​បង្កើតមុខរបរដល់បណ្តាយុវជនជាច្រើន នៅតាមបណ្តាខេត្តគោលដៅភូមិភាគឥសាន្តចំនួន៥រួមមាន ខេត្តក្រចេះ ស្ទឹងត្រែង ព្រះវិហារ រតនគិរី និងមណ្ឌលគិរី ហើយនៅតាមដំណាក់កាល​បន្ទាប់​ទៀត​នេះ ​អង្គការស្វីសខនថាក់​ នឹងសហការជាមួយក្រសួងទេសចរណ៍ នឹងពង្រីកបណ្តុះបណ្តាល​ជំនាញទេសចរណ៍នេះ​នៅតាមខេត្តថ្មីៗចំនួន៥ទៀត ។

លោក Christain Volder Ide ប្រធានកម្មវិធីអភិវឌ្ឍន៍ជំនាញ ​បានថ្លែងថា តាមរយៈកិច្ច​សហការរវាង​ក្រសួងទេសចរណ៍ ​និងអង្គការស្វីស ​ខន់ថាក់ ​នឹងពង្រីកការបណ្តុះបណ្តាលបដិសណ្ឋារកិច្ច​ ហូកា ទៅកាន់ខេត្តថ្មីចំនួន៥ទៀត ​រួមមាន៖ ខេត្តបាត់ដំបង ប៉ៃលិន ពោធិ៍សាត់ ​បន្ទាយមានជ័យ និងឧត្តរមានជ័យ ​ដែលជាគោលដៅអាទិភាព​ និងមានសក្តានុពលវិស័យទេសចរណ៍។

លោក ជួប រតនា ​ប្រធាន​នាយកដ្ឋាន​ផែនការអភិវឌ្ឍ​ទេសចរណ៍ និងជាប្រធាន​លេខាធិការដ្ឋាន​នៃគណៈកម្មការគ្រប់គ្រងគម្រោង ហូកា​ បានថ្លែងថា​ គិតត្រឹមត្រីមាសទី៣ ឆ្នាំ២០២២ គណៈកម្មការ​គ្រប់គ្រងគម្រោង ហូកា ​បានបណ្តុះបណ្តាលអ្នកជំនាញ ​និងគ្រូបង្គោលសរុបបានជិត ​១២០០នាក់ ក្នុងនោះស្រីមានចំនួន ៧៨៣រូប ​នៅក្នុងខេត្តភាគឥសាន្តប្រទេសចំនួន៥ខេត្ត៕

អត្ថបទ ស៊ុម សុខជា