ភ្នំពេញ៖ បន្ទាប់ពីជួបពិភាក្សាការងារជាមួយឯកឧត្តមប្រធានរដ្ឋសភាឡាវរួចមក សម្តេចអគ្គមហាពញាចក្រី ហេង សំរិន ប្រធានរដ្ឋសភា បានអនុញ្ញាតឱ្យ លោកជំទាវ ង្វៀន ទឿងវ៉ាន់ (Nguyen Tuong Van) អគ្គលេខាធិការអន្តរសភាអាស៊ាន (AIPA) ចូលជួបសម្តែងការគួរសម នៅរដ្ឋសភាប្រទេសថៃ នៅរសៀលថ្ងៃទី២៦ ខែតុលា ឆ្នាំ២០២២នេះ។
ក្នុងជំនួបនេះលោកជំទាវ ង្វៀន ទឿងវ៉ាន់ បានសម្តែងអំណរគុណយ៉ាងជ្រាលជ្រៅដែលសម្តេចប្រធានរដ្ឋសភា បានចំណាយពេលដ៍មមាញឹកទទួលជួបលោកជំទាវនាឱកាសនេះ។ លោកជំទាវក៏បានកោតសរសើរនិងវាយតម្លៃខ្ពស់ចំពោះតួនាទីជាប្រធាន AIPA របស់សម្តេចនៅឆ្នាំនេះ ប្រកបដោយជោគជ័យយ៉ាងធំធេង។ លោកជំទាវបានថ្លែងអំណរគុណចំពោះសម្តេចប្រធានរដ្ឋសភា និងលេខាធិការដ្ឋានអា យប៉ាកម្ពុជា ដែលបានធ្វើការយ៉ាងជិតស្និទ្ធជាមួយអគ្គលេខាធិការដ្ឋាន AIPA នាទីក្រុងហ្សាកាតា ដែលធ្វើឲ្យភារកិច្ចនិងតួនាទីរបស់AIPA សម្រេចបាននិងទទួលបានជោគជ័យបន្តបន្ទាប់ ជាពិសេសជោគជ័ យក្នុងការរៀបចំមហាសន្និបាត AIPA លើកទី៤៣ ដែលសភាកម្ពុជាធ្វើជាម្ចាស់ផ្ទះនៅចុងខែវិច្ឆិកាខាងមុខនេះ។
ក្នុងជំនួបនេះដែរ សម្តេចអគ្គមហាពញាចក្រី ហេង សំរិន បានលើកឡើងពីតួនាទីដ៏សំខាន់របស់អគ្គលេខាធិការអាយប៉ា ដែលមានតួនាទីសំខាន់ណាស់ ក្នុងការសម្របសម្រួលការងាររដ្ឋបាលផង និងន យោបាយការទូតសភាផង។ សម្តេចបានមានប្រសាសន៍ថា លោកជំទាវអគ្គលេខាធិការបានបំពេញតួនាទីនេះយ៉ាងល្អប្រសើរ ទោះបីក្នុងអាណតិ្តការងារ៣ឆ្នាំ របស់លោកជំទាវ រំខានដោយវិបត្តិកូវីដ-១៩ ក៏ដោយ។ ជោគជ័យជាបន្តបន្ទាប់របស់ AIPA ដោយសារការរួមចំណែកមួយយ៉ាងសកម្មពីសភាសមាជិក និងដៃគូពាក់ព័ន្ធ ក្រោមការចាត់ចែងការងាររដ្ឋបាលប្រកបដោយប្រសិទ្ធភាពខ្ពស់របស់លេខាធិការដ្ឋា នអចិន្ត្រៃយ៍។
សម្តេចប្រធានរដ្ឋសភា និងជាប្រធានមហាសន្និបាតអន្តរសភាអាស៊ាន(AIPA) លើកទី៤៣ បានបញ្ជាក់ បន្ថែមថា ទោះបីសភាកម្ពុជា ធ្លាប់មានបទពិសោធន៍រៀបចំវេទិកាអន្តរជាតិធំៗជាច្រើន ក៏នៅតែត្រូវការវត្តមានលោកជំទាវ និងសហការី ដែលជាមន្ត្រីបបច្ចេកទេសក្នុងការសម្របសម្រួលការងារ ជាពិសេសកម្មវិធីរបៀបវារៈមហាសន្និបាតឱ្យប្រព្រឹត្តទៅដោយរលូន ឆ្លើយតបសភាពការណ៍ថ្មីៗក្នុងតំបន់ និងស កលលោក៕ ដោយ៖ គង់ ឌិន
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
