ភ្នំពេញ៖ ឯកឧត្ដមទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន បានបញ្ជាក់ឱ្យដឹងថា គិតត្រឹមថ្ងៃទី១៨ ខែតុលា ឆ្នាំ២០២០នេះ មានផ្លូវចំនួន១២៣ខ្សែ ប្រវែងសរុបប្រមាណ៤០០គីឡូម៉ែត្រ នៅក្នុងប្រទេសកម្ពុជា បានរងផលប៉ពាល់ដោយសារទឹកជំនន់។
ឯកឧត្ដមទេសរដ្ឋមន្ត្រី បានបញ្ជាក់ដូចនេះ នារសៀលថ្ងៃទី១៩ ខែតុលា ឆ្នាំ២០២០នេះ ក្នុងឱកាសដែលលោកបានដឹកនាំមន្ត្រីជំនាញចុះពិនិត្យមេីលស្ថានភាពទឹកជំនន់ ដែលកំពុងជន់លិចនៅស្រុកថ្មពួក ខេត្តបន្ទាយមានជ័យ។
ឯកឧត្ដមទេសរដ្ឋមន្ត្រី ស៊ុន ចាន់ថុល បានបន្ថែមថា ក្នុងចំណោមកំណត់ផ្លូវប្រវែង៤០០គីឡូម៉ែត្រនោះ មានផ្លូវដីក្រហមប្រវែង ១៤០គីឡូម៉ែត្រ ក្រៅពីនោះគឺផ្លូវកៅស៊ូAC និងផ្លូវកៅស៊ូ DBST។
ឯកឧត្ដមទេសរដ្ឋមន្ត្រី បានបន្តថា ជាដំណោះស្រាយបណ្ដោះអាសន្ន គ្រប់មន្ទីរសាធារណការខេត្ត ដែលរងផលប៉ះពាល់ដោយទឹកជំនន់ បានសហការគ្នាទប់ទឹកទាំងនោះ ដើម្បីកុំឱ្យហូរកាត់នៅលើផ្លូវ ហើយសម្រាប់ផ្លូវដែលមានការលិចទឹកច្រើន គឺបានផ្អាកមិនឱ្យរថយន្តធ្វើដំណើរលើតែម្តង ដើម្បីកុំឱ្យមានការខូចខាតផ្លូវកាន់តែខ្លាំងផងដែរ៕
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
