កំពង់ឆ្នាំង ៖ នៅរសៀលថ្ងៃទី២៨ ខែតុលា ឆ្នាំ២០២២នេះ ឯកឧត្តម ស៊ុន សុវណ្ណារិទ្ធិ អភិបាលខេត្តកំពង់ឆ្នាំង បាននាំយកអំណោយ​មនុស្សធម៌របស់កាកបាទក្រហមកម្ពុជា ចំនួន២០០កញ្ចប់ ទៅផ្តល់ជូនអ្នកជម្ងឺដែលកំពុងសម្រាកព្យាបាល​នៅក្នុង​មន្ទីរពេទ្យបង្អែកខេត្តកំពង់ឆ្នាំង ដើម្បីអបអរសាទរខួប ព្រះរាជពិធីយាង គ្រងព្រះបរម សិរីរាជសម្បត្តិ ព្រះករុណាព្រះបាទ សម្តេចព្រះ បរមនាថ នរោត្តម សីហមុនី ព្រះមហាក្សត្រ នៃ ព្រះរាជាណាចក្រកម្ពុជា នៅថ្ងៃទី២៩ ខែតុលា ឆ្នាំ២០២២។

នាឱកាសនោះ ឯកឧត្តម ស៊ុន សុវណ្ណារិទ្ធិ បានថ្លែងថា​ ថ្ងៃ ទី២៩ ខែតុលា ឆ្នាំ២០២២ គឺជាខួបលើកទី ១៨ឆ្នាំ នៃការឡើងគ្រង រាជ សម្បត្តិនៃ ព្រះមហាក្សត្រ កម្ពុជា ព្រះបាទ សម្តេច ព្រះបរមនាថ នរោត្តម សីហមុនី ។ នៅក្នុង ឱកាសនេះ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា បានផ្តល់ជូនអំណោយមនុស្សធម៌ចំនួន២០០កញ្ចប់ ផ្តល់ជូនអ្នកកំពុង​សម្រាកព្យាបាល​ជម្ងឺនៅក្នុងមន្ទីរពេទ្យបង្អែកខេត្តកំពង់ឆ្នាំង និងបានផ្តាំផ្ញើនូវការសាកសួរ​សុខទុក្ខពីសំណាក់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជូនចំពោះបងប្អូនអ្នកជម្ងឺក្នុងមន្ទីរពេទ្យផងដែរ។

គួររំលឹកថា​ ព្រះ ករុណាសម្តេច ព្រះបរមនាថ នរោត្តម សីហមុនី ទ្រង់ ជាបេក្ខជន តែមួយ អង្គគត់ សម្រាប់ព្រះរាជ តំណែង ដ៏ខ្ពង់ខ្ពស់ជា ព្រះ មហាក្សត្រ និង ត្រូវបានក្រុម ប្រឹក្សារាជសម្បត្តិ ជ្រើសតាំងជា ឯកឆន្ទ ក្នុងសំឡេង៩ លើ៩ សំឡេង ដើម្បីឡើងសោយរាជ្យ ជា ព្រះ មហាក្សត្រ ជំនួស ព្រះ បិតាព្រះ បាទនរោត្តម សីហនុនៅថ្ងៃ ទី១៤ ខែតុលា ឆ្នាំ ២០០៤ ។ បន្ទាប់មកនៅថ្ងៃទី ២៩ ខែតុលា ឆ្នាំ ២០០៤ ព្រះរាជពិធីឡើង គ្រង រាជសម្បត្តិ ក៏បាន  រាជធានី ភ្នំពេញ តែម្តង៕ អត្ថបទ ៖ ហុង វាស្នា