អន្ដរជាតិ៖ នាយករដ្ឋមន្រ្តីអូស្រ្តាលី លោក Anthony Albanese បាននិយាយប្រាប់ក្រុមអ្នកសារព័ត៌មានថា រដ្ឋាភិបាលរបស់លោក តែងតែរក្សាសុវត្ថិភាពជូន​ប្រជា​ពលរដ្ឋអូស្រ្តាលី ហើយពួកយើងតែងតែស្តាប់តាមសេចក្តីណែនាំពីទីភ្នាក់ងារសន្តិសុខជាតិ បន្ទាប់ពីសិក្ខាកាមរដ្ឋអ៊ីស្លាមនៅស៊ីរី រួមមាន ស្រ្តី ៤នាក់ និងក្មេងៗរបស់ពួកគេ ១៣នាក់ បានធ្វើមាតុភូមិនិវត្តន៍មកកាន់​អូស្រ្តាលីវិញ។

ទោះបីជាយ៉ាងណាក៏ដោយ លោកពុំ​បានធ្វើសេចក្តីអធិប្បាយនោះទេ ហើយលោកក៏ពុំបាននិយាយនោះដែរថាតើ​នឹងមានរឿងអ្វីកើតឡើង ពេលដែល​ក្រុមជនជាតិ​អូស្រ្តាលីទាំងនេះ ទៅដល់ប្រទេសអូស្រ្តាលី ឬថាតើពួកគេនឹងត្រូវឃ្លាំមើលដែរឬទេ៕