ភ្នំពេញ៖ នៅព្រឹកថ្ងៃទី៣១ ខែតុលា នេះ សាលាភូមិន្ទរដ្ឋបាល បានបើកវគ្គបណ្តុះបណ្តាលមន្ត្រីជាន់ខ្ពស់ ជំនាន់ ទី១ នៃក្រសួងអប់រំ យុវជន និងកីឡា ឆ្នាំ២០២២ ដើម្បីបង្កើនសមត្ថភាព។

ឯកឧត្តម យក់ ប៊ុនណា រដ្ឋលេខាធិការប្រចាំការ និងជានាយកសាលាភូមិន្ទរដ្ឋបាល នៃក្រសួងមុខ ងារសាធារណៈ បានបញ្ជាក់ថា កម្មវិធីបណ្តុះបណ្តាលមន្ត្រី រាជការ នៃក្រសួងអប់រំ យុវជន និងកីឡា ផ្ដោតលើ “មុខជំនាញរដ្ឋបាលទូទៅ​ ហិរញ្ញវត្ថុសាធារណៈ ការគ្រប់គ្រងសាធារណៈ និងមុខ​ជំនាញ​ផ្សេង​ទៀត តាមតម្រូវការចាំបាច់” ​គឺឈរលើគោលដៅជាសារវន្ត នៃ​កំណែទម្រង់រដ្ឋបាល​សាធារណៈ និងកម្មវិធីកំណែ​ ទម្រង់ការគ្រប់គ្រងហិរញ្ញវត្ថុសាធារណៈ ​ដែលជាផ្នែកដ៏សំខាន់ នៃ​អភិបាលកិច្ចល្អ ដែលជាឆ្អឹងខ្នង នៃកំ ណែទម្រង់រដ្ឋស៊ីជម្រៅ ដោយផ្អែកលើផែនការ​យុទ្ធសាស្ត្រ​ចតុកោណ​ដំណាក់កាលទី៤ របស់រាជរដ្ឋាភិ ​បាលនៃព្រះរាជាណាចក្រកម្ពុជា។

ឯកឧត្តម បានបន្តថា ដើម្បីធានាបានថារាល់កិច្ចការសាធារណៈ ត្រូវ​បាន​ប្រតិបត្តិដោយតម្លាភាព គណនេយ្យភាព ប្រសិទ្ធភាព ស័ក្កិសិទ្ធភាព ​និងអាចព្យាករបាន គ្រប់ក្រសួង-ស្ថាប័ន បានដាក់ចេញ​នូវយន្ត ការសំខាន់ៗជាច្រើន ​ដោយត្រូវប្រកាន់ខ្ជាប់នូវការគិតគូរផលប្រយោជន៍សាធារណៈជាធំ។ យន្តការពង្រឹង អភិបាលកិច្ចទាំងឡាយ​ ត្រូវការជាចាំបាច់នូវធនធានមនុស្ស ដើម្បីសម្រេចបាននូវ​សមិទ្ធផល​ជាក់ស្តែង។ ​ការបណ្តុះបណ្តាលថ្នាក់ដឹកនាំ និងមន្ត្រីជាន់ខ្ពស់ពាក់ព័ន្ធ អំពីរដ្ឋបាល​សាធារណៈទំនើប ការកសាងភាព ​ជាអ្នកដឹកនាំគំរូ គឺជាចំណែកដ៏មានសារសំខាន់មិនអាចខ្វះបាន។

សិក្ខាមមន្រ្តីក្រសួងអប់រំ ​បានលើកឡើងថា ​ការចូលរួមវគ្គបណ្តុះបណ្តាលនេះ ​ពិតជាមាន​សារសំខាន់ ដើម្បីបង្កើនសមត្ថភាពបន្ថែមទៀត ​ក្នុងពេលបំពេញការងារ និងប្តេជ្ញាប្រឹងប្រែង​រៀនសូត្រ ។

ការបណ្តុះបណ្តាលមន្រ្តីជាន់ខ្ពស់ នៃក្រសួងអប់រំ យុវជន និងកីឡា ​ជំនាន់ទី១ នាពេលនេះ គឺជា ការ​បណ្តុះបណ្តុះបណ្តាលទ្រង់ទ្រាយធំ​ ដែលមិនធ្លាប់មានពីមុនមក ដោយសិក្ខាកាមចូលរួម​ប្រមាណ​៤២ ភាគរយ ​នៃចំនួនមន្រ្តីគ្រប់គ្រងជាន់ខ្ពស់ ​ចាប់ពីថ្នាក់អនុប្រធាននាយកដ្ឋាន រហូតដល់ថ្នាក់​អគ្គនាយក នៃ អង្គភាពរដ្ឋបាលក្រោមឱវាទ​ ទីស្តីការក្រសួងអប់រំ ​យុវជន និងកីឡា។ នេះបើតាមប្រសាសន៍របស់​ ឯក ឧត្តមបណ្ឌិតសភាចារ្យ ណាត ប៊ុនរឿន រដ្ឋលេខាធិការក្រសួងអប់រំ យុវជន និងកីឡា ៕អត្ថបទ៖ ទូច សោភ័ណ