ភ្នំពេញ៖ ក្រសួងសាធារណការ និងដឹកជញ្ជូនបានឱ្យដឹងថា នៅថ្ងៃទី២ ខែវិច្ឆិកា ឆ្នាំ២០២២ ឯកឧត្តមទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និង ដឹកជញ្ជូនបានដឹកនាំកិច្ចប្រជុំថ្នាក់ដឹកនាំក្រសួងប្រចាំសប្តាហ៍ ដោយមានការចូលរួមពីមន្ត្រីជាន់ខ្ពស់ មន្ទីរសាធារណការ និង ដឹកជញ្ជូនរាជធានី-ខេត្ត និងមន្ត្រីជំនាញបច្ចេកទេសពាក់ព័ន្ធក្រោមឱវាទក្រសួង។ កិច្ចប្រជុំនេះផ្តោតលើការប្រកាសសុពលភាពមន្ត្រីរាជការទើបតែងតាំងថ្មីនៃអគ្គនាយកដ្ឋានបច្ចេកវិទ្យា និងទំនាក់ទំនងសាធារណៈ ការប្រគល់-ទទួ លសម្ភារឧបករណ៍ត្រួតពិនិត្យគុណភាពផ្លូវថ្នល់ជូនអង្គភាពជំនាញក្រោមឱវាទក្រសួង និងមន្ទីរសាធារណៈការ និងដឹកជញ្ជូនរាជធានី-ខេត្ត និងការប្រគល់-ទទួល អគារមន្ទីរពិសោធន៍ទាំងបួនទីតាំងស្ថិតនៅខេត្តសៀមរាប ខេត្តពោធិ៍សាត់ ខេត្តក្រចេះ និងខេត្ត ព្រះសីហនុ។

ក្នុងកិច្ចប្រជុំនោះ ឯកឧត្តមទេសរដ្ឋមន្ត្រី បានកោតសរសើរយ៉ាងជ្រាលជ្រៅដល់អគ្គនាយកដ្ឋានបច្ចេកវិទ្យា និងទំនាក់ទំនងសាធារណៈ ដែលបានខិតខំប្រឹងប្រែងធ្វើកិច្ចការរបស់ខ្លួនបានជោគជ័យជាច្រើន ជាពិសេសការអភិវឌ្ឍកម្មវិធីបច្ចេកវិទ្យានានាក្នុងការសម្រួលដល់ការផ្តល់សេវាសាធារណៈសំដៅបង្កើ នចំណូលជាតិយ៉ាងមានប្រសិទ្ធភាព និងដែលបានបំពេញការងារអស់ពីកម្លាំងកាយចិត្ត និងពេលវេ លាក្នុងការបំពេញភារកិច្ចប្រកបដោយការទទួលខុសត្រូវខ្ពស់ ដើម្បីរួមចំណែកបម្រើប្រជាពលរដ្ឋ និងអភិវឌ្ឍប្រទេសតាមរយៈវិស័យសាធារណការ និងដឹកជញ្ជូន ឱ្យកាន់តែរីកចម្រើនជាលំដាប់។ ជាពិសេ សអគ្គនាយកដ្ឋានបច្ចេកវិទ្យា និងទំនាក់ទំនងសាធារណៈនេះបាន និងកំពុងជំរុញការសហការជាមួយក្រុមហ៊ុនផ្លូវល្បឿនលឿន និងគ្រឹះស្ថានធនាគារ-ហិរញ្ញវត្ថុជាដៃគូ បំពាក់បច្ចេកវិទ្យា DIP សម្រាប់ការគ្រប់គ្រង និងប្រមូលចំណូលលើការប្រើប្រាស់ផ្លូវល្បឿនលឿន ដែលធានាភាពលឿនរហ័ស ងាយស្រួ ល សុវត្ថិភាព សម្រាប់អ្នកប្រើប្រាស់ផ្លូវ និងធានាការធ្វើអាជីវកម្មក្រុមហ៊ុនកាន់តែមានប្រសិទ្ធភាព និងតម្លាភាពសម្រាប់សង្គមជាតិ ជាពិសេសធានាការប្រមូលចំណូលថវិកាជាតិ កាន់តែមាភាពប្រសើរឡើ ង ។ ប្រព័ន្ធបច្ចេកវិទ្យា DIP នេះ នឹងផ្តល់ភាពងាយស្រួលដល់ប្រជាពលរដ្ឋអាចបញ្ចូលសមតុល្យទឹកប្រាក់ជាមុន តាមរយៈផ្លាកលេខ និងជួយសម្រួលឱ្យការចេញចូលផ្លូវល្បឿនលឿន បានលឿនរហ័ស កាត់បន្ថយការកកស្ទះ បង្ការពីជំងឺកូវីដ-១៩ ព្រមទាំងបញ្ជៀសការប្រើកាតចេញចូលដែលប្រឈមការបាត់បង់ ឬផាកពិន័យផ្សេងៗផងដែរ។ ប្រព័ន្ធនេះ គ្រោងនឹងបញ្ចប់ការរៀបចំដើម្បីដាក់ឱ្យប្រើប្រាស់ ជាផ្លូវការ នាថ្ងៃ០៩ វិច្ឆិកា ២០២២ ខាងមុខនេះ។

ឯកឧត្តមក៏បានសំណូមពរផងដែរឱ្យមន្ត្រីជំនាញពាក់ព័ន្ធក្រោមឱវាទប្រើប្រាស់សម្ភារឧបករណ៍ត្រួតពិនិត្យគុណភាពផ្លូវឱ្យមានប្រសិទ្ធភាព និងថែទាំឱ្យបានល្អ អាចប្រើប្រាស់បានយូរអង្វែង ដោយហេតុថាការចំណាយលើការទិញឧបករណ៍ទាំងនោះជាការចំណាយថវិកាជាតិយើង និងបានណែនាំ ឱ្យមន្ត្រីពាក់ព័ន្ធសហការជាមួយធនាគារអភិវឌ្ឍន៍អាស៊ី ធនាគារពិភពលោក ក៏ដូចជាដៃគូអភិវឌ្ឍន៍នានា ស្វែងរកប្រភពថវិកាដើម្បីគូសគំនូសចរាចរណ៍ និងការបំពាក់ផ្លាកសញ្ញាចរាចរណ៍ឱ្យបានត្រឹមត្រូវ ដើម្បីចូលរួមកាត់បន្ថយគ្រោះថ្នាក់ចរាចរណ៍ឱ្យនៅកម្រិតទាប៕​ដោយ៖ គង់ ឌិន