​អាមេរិក៖ រដ្ឋមន្ត្រី​ការពារជាតិ​សហរដ្ឋអាមេរិក​លោក Lloyd Austin បាន​និយាយ​កាលពី​ថ្ងៃ​ព្រហស្បតិ៍​ថា ការវាយប្រហារ​ដោយ​នុយក្លេអ៊ែរ​ណាមួយ​មក​លើ​សហរដ្ឋ​អាមេរិក ឬ​សម្ព័ន្ធមិត្ត​របស់​ខ្លួន​នឹង​ក្លាយ​ជា​ការ​បញ្ចប់​នៃ​របប​ដឹកនាំ​របស់​លោក​ Kim Jong -Un​។

​រដ្ឋាភិបាល​របស់លោក Kim Jong-un នៅក្នុង​ទីក្រុង​ព្យុងយ៉ាង ក្នុងពេល​ប៉ុន្មាន​ថ្ងៃ​ថ្មីៗ​នេះបាន​បង្កើន​ការសាកល្បង​មី​ស៊ី​ល​កាន់តែច្រើន​។ យោធា​កូរ៉េខាងត្បូង​បាន​និយាយថា ការសាកល្បង​មី​ស៊ី​ល​អន្តរទ្វីប​បា​លិ​ស្ទិ​ក ​ICBM កាលពី​ថ្ងៃ​ព្រហស្បតិ៍​អាច​បរាជ័យ​។ ​ជប៉ុន​បាន​ហៅ​ការបាញ់​នេះ​ថា​ជាទង្វើ​ធ្ងន់ធ្ងរ​បំផុតមិន​អាច​អត់ឱន​ឲ្យ​បាន។ យោង​តាម​សេចក្តីថ្លែងការណ៍​រួម​ដែល​ចេញផ្សាយ​ដោយ​ក្រសួងការពារជាតិ​អាមេរិក ក្នុងអំឡុងពេល​ជំនួប​របស់​លោក​ជាមួយ​រដ្ឋមន្ត្រី​ការពារជាតិ​កូរ៉េខាងត្បូងលោក Lee Jong-sup លោក Austin បាន​និយាយ​ថា រាល់​ការវាយប្រហារ​នុយក្លេអ៊ែរ​ប្រឆាំង​នឹង​សហរដ្ឋអាមេរិក ឬ​សម្ព័ន្ធមិត្ត និង​ដៃគូ​របស់​ខ្លួន រួម​ទាំង​ការប្រើប្រាស់​អាវុធ​មិនមែន​នុយក្លេអ៊ែរ​យុទ្ធសាស្ត្រគឺ​មិន​អាច​ទទួល​យក​បាន ហើយ​នឹង​ក្លាយ​ជា​ការ​បញ្ចប់​របប​របស់​លោក Kim។ ភាសា​ស្រដៀង​គ្នា​នេះ​ត្រូវ​បាន​បញ្ចូល​ក្នុង​យុទ្ធសាស្ត្រ​ការពារ​ជាតិ​របស់​សហ​រដ្ឋ​អាមេរិក ​ដែល​ត្រូវ​បាន​ចេញផ្សាយ​កាលពី​សប្តាហ៍​មុន​៕

អត្ថបទ៖ សុខមាន