ភ្នំពេញ៖ ដោយអនុវត្តតាមប្រសាសន៍ដឹកនាំរបស់លោលឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ នៅព្រឹកថ្ងៃទី០៧ ខែ វិច្ឆិកា ឆ្នាំ២០២២ អធិការដ្ឋាន​នគរបាល​ខណ្ឌជ្រោយចង្វារ ​ដឹកនាំដោយលោកវរសេនីយ៍ទោ លៀក ចាន់រាបសា អធិការ​នៃអធិការ​នគរបាលខណ្ឌជ្រោយចង្វារ ​បានប្រមូលកម្លាំងប្រជុំជួរ ដើម្បីផ្សព្វផ្សាយផែនការ ​ការពារសន្តិសុខ សុវត្ថិភាព​ សណ្តាប់ធ្នាប់សាធារណៈ ជូនថ្នាក់ដឹកនាំ គណៈប្រតិភូជាតិ និងអន្តរជាតិ សម្រាប់​កិច្ច​ប្រជុំអាស៊ាននាពេលខាងមុខ ​ត្រូវយកចិត្តទុកដាក់ខ្ពស់ ​កម្លាំងត្រូវបានប្រមូលផ្តុំ ១០០% ដើម្បី​អនុវត្តការងារឱ្យបានល្អ ធានាឱ្យបាននូវសន្តិសុខ សណ្តាប់ធ្នាប់ ក្នុងឱកាសកិច្ចប្រជុំអាស៊ាន ជា​ពិសេសកម្លាំងផ្នែកចរាចរណ៍ត្រូវតែ ​ជួយសម្រួលចរាចរណ៍ កុំឲ្យមានការកកស្ទះ រួមនឹងការ​ស្លៀកពាក់​ឯកសណ្ឋានការងារឱ្យបានត្រឹមត្រូវ ៕អត្ថបទ៖ តារាវុទ្ធី