អន្ដរជាតិ៖ អគ្គលេខាធិការអង្គការណាតូលោក Jens Stoltenberg បានកោតសរសើរយ៉ាងខ្លាំងដល់ចក្រភពអង់គ្លេស សម្រាប់​ការគាំទ្រដ៏ខ្លាំងក្លារបស់ប្រទេសមួយនេះ ដល់សម្ព័ន្ធមិត្តយោធា និង​ប្រទេសអ៊ុយក្រែន បន្ទាប់មានជំនួបរបស់​លោកជាមួយ​លោកនាយករដ្ឋមន្រ្តី Rishi Sunak នៅវិមាន Downing Streetកាលពីថ្ងៃពុធ។    

លោក Stoltenbergគឺជាមេដឹកនាំអន្តរជាតិដំបូងគេ បានជួបជាមួយលោក Sunak នៅវិមាន Downing Street​ហើយ​ជំនួបមួយនេះ បានធ្វើឡើង ពេលដែលអង់គ្លេស ចង់ពិនិត្យមើលព័ត៌មានចុងក្រោយពាក់ព័ន្ធនឹងការ​ត្រួតពិនិត្យរួម​លើ​បញ្ហា​សន្តិសុខ ការពារជាតិ ការអភិវឌ្ឍន៍ និងគោលនយោបាយការបរទេសរបស់​ពួកគេ ស្របពេលដែលរដ្ឋាភិបាល​មួយនេះ ចង់កាត់បន្ថយការចំណាយនោះ៕