អ៊ុយក្រែន៖ ទាហានអ៊ុយក្រែន និយាយថា ខ្លួនដណ្ដើមបាន​​ដែនដី​ដ៏ធំ​​​​​​កាលពី​ថ្ងៃព្រហស្បតិ៍ ​ជុំវិញតំបន់​ Kherson ​បន្ទាប់ពី​​ទាហាន​រុស្ស៊ី​ និយាយថា​ខ្លួន​​កំពុង​ដក​កងទ័ព​​ចេញពី​ទីក្រុ​ង​ភាគខាងត្បូង​មួយនេះ។

ទាហាន​អ៊ុយក្រែន​​​ និយាយថា ​ពួកគេ​បាន​ដណ្ដើមយកមកវិញ​នូវ​ទីប្រជុំជន​ដ៏សំខាន់​ Snihurivka ស្ថិតនៅ​ចម្ងាយ​​50km ​​រហូត​ដល់​​​​ភាគខាងជើង​តំបន់​ Kherson​។

​ទីក្រុង​ Kyiv ​ក៏បានអះអាង​ផងដែរ​​ពី​ការ​​​រុល​ទៅមុខ​ដ៏ធំ​នៅ​លើ​​​សមរភូមិមុខ​២​​​ជិត​​​តំបន់​ Kherson រួមទាំង​ការ​​វាយរុល​ទៅមុខ​​​​ចម្ងាយ​​7km ​នៅ​ទីតាំង​មួយចំនួន​ ។

រុស្ស៊ី និយាយថា ខ្លួន​​បាន​​ចាប់ផ្ដើម​​​ដក​ទ័ព​ចេញពី​​ទីក្រុងនេះ ​ដែលជាការ​ដណ្ដើម​បានដ៏ធំ​​ក្នុងការ​វាយលុក​របស់ខ្លួន​​​ ប៉ុន្តែ​ដំណើរ​ការ​អាច​​ចំណាយ​ពេល​ច្រើនសប្ដាហ៍​។

ការប្រកាស​កាលពីថ្ងៃពុធ​ ​ត្រូវបាន​​បង្ហាញពី​​ការ​បាត់បង់​ដ៏ធំ​​មួយ​​សម្រាប់​កិច្ចខិតខំប្រឹងប្រែង​សង្គ្រាម​របស់​ទីក្រុង​Moscowទោះបីជា​​ក្រុមមន្ត្រី​អ៊ុយក្រែន ​នៅតែ​សង្ស័យ ​ដោយព្រមាន​​​ថា​​​​សកម្មភាព​​​នោះ​​​​អាច​ជា​អន្ទាក់​​។

​ពុំ​ទាន់​មាន​ភស្តុតាង​​​ភ្លាមៗ​​​​ពីការ​ដកកងទ័ព​ទ្រង់ទ្រាយ​ធំ​ណាមួយ​​របស់​រុស្ស៊ី​ចេញពីតំបន់​Khersonនៅឡើយ​ទេ។

អគ្គមេបញ្ជាការ​​កងទ័ព​​​អ៊ុយក្រែន​​លោក​ Valeriy Zaluzhny ​បាន​និយាយកាល​ពីថ្ងៃព្រហស្បតិ៍ ​ថា ​លោក​មិន​អាច​​បញ្ជាក់ ​ឬ​​ប្រកែក​ការ​ដកទ័ព​​​របស់​រុស្ស៊ី​បាន​ទេ ប៉ុន្តែ​​​​បាន​និយាយ​ថា ​កងកម្លាំង​​របស់​លោក​​​ បាន​វាយរុល​ទៅមុខ​ដ៏​​ខ្លាំង​ក្លា​។​ ​

លោក​​ Zaluzhny ​បាន​និយាយថា​​ទាហាន​​របស់​លោក​​​បាន​​​​​វាយ​រុញឆ្ពោះ​ទៅ​កាន់​សមរភូមិជួរមុខ​ចំនួន២​ នៅ​ច្រាំង​ភាគខាងលិច​​​ទន្លេ​ Dnipro ​​ដែល​ព័ទ្ធជុំវិញ​តំបន់​ Kherson​ ដោយ​ដណ្ដើម​គ្រប់គ្រង​​ភូមិ​ចំនួន​១២​៕ សុខមាន