អាមេរិក​៖ លោក​ប្រធានាធិបតី​​​​​អាមេរិក​ Joe Biden ​​នឹង​ជួប​​មេដឹកនាំ​ចិន​​​លោក​ Xi Jinping ទល់មុខ​គ្នា​​លលើកដំបូង​នៅថ្ងៃចន្ទ​សប្ដាហ៍​ក្រោយ​​ ​មុន​កិច្ចប្រជុំកំពូល G20​ ចាប់តាំងពី​លោក​ Biden ​បាន​ឡើង​កាន់​តំណែង​​​​ ​​និង​​​ផ្ដល់​ឱកាស​បញ្ជាក់​ពី​​​ទំនាក់​ទំនង​ទ្វេភាគី​​​​ដ៏សំខាន់​បំផុត​​​​​របស់​ពិភពលោក​។

អ្នកនាំពាក្យសេតវិមាន​លោកស្រី Karine Jean-Pierre ​បាន​និយាយនៅក្នុង​សេចក្ដីថ្លែងការណ៍​មួយ​ថា​ មេដឹកនាំ​ទាំង២​​នឹង​​​ពិភាក្សា​ពី​​កិច្ច​ខិតខំប្រែង​ប្រែង​​​​​រក្សា​​​​​និង​កាន់តែ​ស៊ីជម្រៅ​​​ខ្សែ​បន្ទាត់នៃ​​​ទំនាក់ទំនង​រវាង​​សហរដ្ឋអាមេរិក​​ និង​សាធារណរដ្ឋ​ប្រជាមានិតចិន​ ​​ការ​​​​ប្រកួតប្រជែង​​​ប្រកបដោយ​​ការទទួល​ខុសត្រូវ​ និងធ្វើការរួមគ្នា​​​​ផ្ដោត​លើ​ផលប្រយោជន៍​រួម​របស់​យើង​ ​ពិសេស​​​ផ្ដោត​លើ​​បញ្ហា​ប្រឈម​រវាង​​ប្រទេស​ទាំង២​ ដែល​ប៉ះពាល់​ដល់​សហគមន៍​អន្តរជាតិ​។ ​មេដឹកនាំ​ទាំង២​​​ក៏​នឹង​ពិភាក្សា​ផងដែរ​​ពី​បញ្ហា​ជាច្រើន​ទាំងក្នុង​តំបន់​ និងសកលលោក​។

ក្រុមមន្ត្រី​អាមេរិក ​​​នឹង​​​បោះជំហានចូល​ជំនួប​ក្រៅកិច្ចប្រជុំ​​​កំពូល​ G20 នៅ​កោះបាលី ​​​ប្រទេស​ឥណ្ឌូនេស៊ី ដោយ​​​គ្មាន​ការរំពឹង​ទុក​សម្រាប់​ក៏​រីកចម្រើន​​ដ៏​ធំ​ឬ​ សូម្បីតែ​ក្ដី​សង្ឃឹម​ថា​ ភាពតានតឹង​នឹង​​ធូរស្រាល​ច្រើន​។

ប៉ុន្តែពួកគេសង្ឃឹមថា​លោក Biden អាចកសាង​គ្រឹះ​នៃទំនាក់ទំនង​មុខងារដែលមិនឲ្យ​ឈាន​ទៅ​ដល់​ជម្លោះ ហើយថែមទាំង​អនុញ្ញាត​ឱ្យមានកិច្ច​សហប្រតិបត្តិការប្រកបដោយ​ផលិតភាព​នៅក្នុងតំបន់​ដូចជា​បញ្ហា​អាកាសធាតុ និង​កូរ៉េខាងជើង៕ ​