អ៊ុយក្រែន ៖ លោកប្រធានាធិបតី Volodymyr Zelenskiy បាននិយាយថា កងកម្លាំងអ៊ុយក្រែន រំដោះបានទីតាំងឈរជើង ៤១​កន្លែង​ ពេលដែលពួកគេរុលឆ្លងកាត់តំបន់ភាគខាងត្បូងប្រទេស ។        លោកបាននិយាយនៅក្នុងសុន្ទរកថាជាវីដេអូននាពេលល្ងាចថា ថ្ងៃនេះពួកយើងមានដំណឹងល្អពីតំបន់ភាគខាងត្បូង ។ មាននូវទង់ជាតិអ៊ុយក្រែនជាច្រើនវិលត្រឡប់ទៅកាន់ទីតាំងត្រឹមត្រូវរបស់វាវិញនៅក្នុងតំបន់ប្រតិបត្តិការ​ការពារ​​របស់ពួកយើង ។ ទីតាំងឈរជើងរបស់សត្រូវ ៤១កន្លែង ត្រូវបានរំដោះបានវិញ ។ លោកសូមថ្លែងអំណរគុណយ៉ាងជ្រាលជ្រៅ​ដល់​វិរបុរស​របស់​ពួកយើងទាំងអស់ ដែលបានពលីខ្លួនក្នុងបុព្វហេតុជាតិ​មួយនេះ ៕