អ៊ុយក្រែន ៖ រដ្ឋមន្រ្តីក្រសួងការពារជាតិអ៊ុយក្រែន លោក Oleksii Reznikov បាននិយាយថា រុស្ស៊ី​នឹងចំណាយ​ពេល​យ៉ាងហោច ១សប្តាហ៍ ដើម្បីដកទ័ពរបស់ពួកគេចេញពីទីក្រុងភាគខាងត្បូង Khersonហើយរដូវរងារ​អាចនឹងពន្យឺត​ការធ្វើសង្រ្គាមនៅសមរភូមិមុខ ហើយនិងទុកពេលឲ្យភាគីទាំង​មាន​ឱកាសប្រមូលកម្លាំងឡើងវិញ ។ នៅក្នុងបទសម្ភាសន៍ជាមួយទីភ្នាក់ងារព័ត៌មានរ៉យទ័រនៅទីក្រុងគីវ លោក Reznikov បាននិយាយថា រុស្ស៊ីមាន​ទាហាន ៤ម៉ឺននាក់​នៅតំបន់ Kherson ហើយពួកគេនៅមានកម្លាំងនៅក្នុងទីក្រុង Kherson នៅជុំវិញទីក្រុងមួយនេះ និង​នៅច្រាំងខាងលិចទន្លេ Dnipro ថ្វីត្បិតតែ​ពួកគេ​ប្រកាសដកថយក៏ដោយ ៕