ភ្នំពេញ៖ នៅទីស្តីការ​ក្រសួង​កសិកម្ម​ រុក្ខាប្រមាញ់ និង​នេសាទ នៅ​ព្រឹក​ថ្ងៃ​ទី​១៤ ​ខែ​វិច្ឆិកា​ ឆ្នាំ​២០២២​នេះ ​មាន​រៀបចំ​កិច្ច​សន្ទនា ​ស្តីពី​ការ​ប្រើប្រាស់​ថាមពលអគ្គិសនី​ សម្រាប់​វិស័យ​កសិកម្ម ដើម្បី​បង្ហាញ​អំពី​សវតា និង​គោលនយោបាយ​ថាមពល​អគ្គិសនី និង​អំពី​លក្ខ​ខណ្ឌ​ ដើម្បី​ទទួល​បាន​ការ​អនុគ្រោះថ្លៃ​អគ្គិសនី​ សម្រាប់​វិស័យ​កសិកម្ម​។

កិច្ចសន្ទនានេះ ប្រព្រឹត្តទៅក្រោមវត្តមានរបស់ឯកឧត្តម ឌិត ទីណា រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ, ឯកឧត្តម ស៊ុយ សែម រដ្ឋមន្រ្តីក្រសួងរ៉ែ និងថាមពល, ឯកឧត្តម យឹម វិសិដ្ឋ ប្រធានអាជ្ញាធរអគ្គិសនីកម្ពុជា, ឯកឧត្តម កែវ រតនៈ រដ្ឋមន្រ្តីប្រតិភូអមនាយករដ្ឋមន្រ្តី និងជាអគ្គនាយកអគ្គិសនីកម្ពុជា និងមានការអញ្ញេីញចូលរួមរបស់មន្រ្តីរាជការជាថ្នាក់ដឹកនាំនិងមន្ទីរខេត្តទូទាំង២៥ សហគមន៍កសិករ អ្នកចិញ្ចឹមសត្វ ម្ចាស់រោងម៉ាសុីនកិនស្រូវ និងវិស័យឯកជនពាក់ព័ន្ធជាច្រេីននាក់ទៀតសរុបចំនួនប្រមាណ១៣០នាក់។