អន្ដរជាតិ៖ លទ្ធផលការបោះឆ្នោតសភា បានបង្ហាញថា លោកស្រី  Natasa Pirc Musarដែលជាមេធាវីឯករាជ្យ បានឈ្នះជុំទី ២នៅ​ការ​បោះ​ឆ្នោត​ជ្រើសរើសប្រធានាធិបតី​ស្លូវេនី កាលពីថ្ងៃអាទិត្យ ហើយលោកស្រី នឹងក្លាយជា​ប្រមុខរដ្ឋស្រ្តីជាលើកដំបូង​របស់ប្រទេស​មួយនេះ។

យោងតាមទិន្នន័យគណៈកម្មាធិការរៀបចំការបោះឆ្នោត ដោយផ្អែកលើការរាប់សន្លឹកឆ្នោតបាន ៩៩ភាគរយ បាន​ឲ្យ​ដឹងថា លោកស្រី Pirc Musarវ័យ ៥៤​ឆ្នាំ បានឈ្នះការបោះឆ្នោតឡើងវិញ ៥៣,៨៦ភាគរយ ខណៈដែល​គូប្រជែងលោក​ស្រី​ដែលជាអ្នកនយោបាយស្តាំនិយម និងជាអតីតរដ្ឋមន្រ្តីការបរទេស​ គឺលោក Andze Logar បានឈ្នះ ៤៦,១៥ភាគរយ៕