ភ្នំពេញ៖ អគ្គិសនីកម្ពុជា បញ្ជាក់ថា ក្នុង១ឆ្នាំៗ អគ្គិសនីកម្ពុជាបានចេញខាតជូនអ្នកប្រើប្រាស់ រាប់​ទាំងលំនៅដ្ឋាន និងទាំងផ្នែកវិស័យកសិកម្ម តាមរយៈការឧបត្ថម្ភធនប្រមាណ ១២០​លាន​ដុល្លារ​អាមេរិក។

ឯកឧត្តម កែវ រតនៈ លើកឡើងក្នុងកិច្ចសន្ទនាពិសេសមួយ រវាងវិស័យរដ្ឋ និងវិស័យឯកជន ស្តីពី​ការ​ប្រើប្រាស់​ថាមពលអគ្គិសនី សម្រាប់វិស័យកសិកម្ម ដើម្បីរម្លឹកឡើងវិញអំពីសវតា និង​គោល​នយោបាយ​ថាមពល​អគ្គិសនី និងលក្ខខណ្ឌ ដើម្បី​ទទួល​បាន​ការ​អនុគ្រោះ​ថ្លៃ​អគ្គិសនី សម្រាប់​វិស័យ​កសិកម្ម កាលពីថ្ងៃទី១៤ ខែវិច្ឆិកា។

ឯកឧត្តមបានបញ្ជាក់ទៀតថា មុនកើតមានឡើងនូវវិបត្តិកូវីដ១៩ និងសង្គ្រាមរុស្ស៊ី-អ៊ុយក្រែន ថ្លៃ​ដើម​អគ្គិសនី មានតម្លៃប្រមាណ ៧៣០រៀល ប៉ុន្តែបច្ចុប្បន្ននេះ ថ្លៃដើម​អគ្គិសនី​បាន​កើន​ឡើង​ដល់​ប្រមាណ ១ ០០០រៀល ក្នុង១គីឡូវ៉ាត់ម៉ោង៕