អាមេរិក៖ ប្រធានាធិបតីអាមេរិកលោក ចូ បៃដិន បាននិយាយការពារ និងពន្យល់ពីការសម្រេចចិត្តរបស់លោកក្នុងការដកកងទ័ពអាមេរិកដែលនៅសេសសល់ជាង ២.៥០០នាក់ចេញពីអាហ្វហ្គានីស្ថាន ដោយលោកបានធ្វើការសង្កត់ធ្ងន់ថា ប្រទេសរបស់លោកគ្មានហេតុផល ត្រូវបន្តស្ថិតនៅក្នុងប្រទេសមួយនេះទៀតទេ។
នៅក្នុងសុន្ទរកថាមួយផ្សាយផ្ទាល់តាមកញ្ចក់ទូរទស្សន៍ចេញពីសេតវិមានជាទីដែលអតីតប្រធានាធិបតីអាមេរិកលោកចច ដាប់បលយូ ប៊ូស ប្រកាសសង្គ្រាមនៅអាហ្វហ្គានីស្ថាន លោក បៃដិន បាននិយាយថា ពួកយើងបានចូលទៅកាន់អាហ្វហ្គានីស្ថាន ដោយសារតែការវាយប្រហារដ៏រន្ធត់កាលពីជាង២០ឆ្នាំមុន ដើម្បីតាមសម្លាប់ លោកមេដឹកនាំក្រុមឧទ្ទាមអាល់កៃដា លោក អូសាម៉ា ប៊ីន ឡាដិន ។
លោកបន្តថា បេសកកម្មនេះ ត្រូវបានបញ្ចប់ដោយជោគជ័យ ហើយអាហ្វហ្គានីស្ថានក៏លែងក្លាយជាឋានសួគ៌របស់ភេរវករទៀតដែរ ដូច្នេះហើយពួកយើងគ្មានហេតុផល ត្រូវបន្តនៅទៀតនោះទេ ។
សូមបញ្ជាក់ថា ទាហានអាមេរិក ២.៤៨៨នាក់ បានស្លាប់ក្នុងសង្គ្រាមនៅអាហ្វហ្គានីស្ថាន និង ២០,៧២២នាក់ ទៀតរងរបួស៕ អត្ថបទ៖ សារ៉ាត់
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
