ភ្នំពេញ៖ មហាសន្និបាតអន្តរសភាអាស៊ានលើកទី៤៣ ដែលកម្ពុជាធ្វើជាម្ចាស់ផ្ទះនាពេលខាងមុខ នឹងផ្តោតលើពហុភាគីនិយមក្នុងតំបន់ និងកិច្ចសហប្រតិបត្តិការលើសេដ្ឋកិច្ចតាមបែបឌីជីថល។

ថ្លែងប្រាប់BTV News នៅថ្ងៃទី១៦ ខែវិច្ឆិកា ឆ្នាំ២០២២ ឯកឧត្តម ឡេង ប៉េងឡុង អគ្គលេខាធិការនៃអគ្គលេខាធិការដ្ឋាន ​និងជាអ្នកពាក្យនាំរដ្ឋសភា​ បានឲ្យដឹងថា នាពេល​ដ៏ខ្លីខាងមុខ រដ្ឋសភានឹងធ្វើជាម្ចាស់ផ្ទះសន្និបាតអន្តរសភាអាស៊ាន ​(អោយបា (APA)លើកទី៤៣ ចាប់ពីថ្ងៃទី២០ ដល់ថ្ងៃទី២៥ ខែវិច្ឆិកា ឆ្នាំ២០២២ នៅសណ្ឋាគារដ៏ស៊ីដង់សុខាភ្នំពេញ ​ ក្រោមមូលបទ បោះជំហានជាមួយគ្នា ដើម្បីនិរន្តរភាព​ បរិយាបន្ត និងភាពធន់របស់អាស៊ាន។ ឯកឧត្តម បន្តថា ជាមួយមូលបទខាងលើ កម្ពុជាវានដាក់ចេញគំនិត​ផ្តួចផ្តើម​ផ្តោតទៅកិច្ចការ​សំខាន់ៗ​រួមមាន ការលើកតម្កើងស្ត្រីក្នុងការអភិវឌ្ឍសង្គមជាតិ, ​ការលើកតម្កើងសភាវ័យក្មេង និង​លើកតម្កើងពហុភាគីនិយមក្នុងតំបន់ជាដើម។

ឯកឧត្តម បញ្ជាក់ថា ក្រៅពីមូលបទ ​បោះជំហានជាមួយគ្នា ​ដើម្បីនិរន្តរភាព បរិយាបន្ត និងភាពធន់​របស់អាស៊ាន ​នឹងមានមូលបទរបស់អ្នកសង្កេតការណ៍ចូលរួមស្តីពីការវិនិយោគលើសន្តិភាព និង​ការអភិវឌ្ឍបបរកបដោយចីរភាព ​និងការស្តារឡើងវិញក្រោយវិបត្តិជំងឺកូវីដ១៩។

អន្តរសភាអាស៊ានអាយប៉ា ជាវេទិកាសភានៃបណ្ដាប្រទេសជាសមាជិក​អាស៊ាន ដែលតំណាង​ឱ្យពលរដ្ឋប្រមាណជិត ៧០០លាននាក់ ​ក្នុងក្របខ័ណ្ឌនីតិប្បញ្ញត្តិ ដើម្បីប្រមូលផ្ដុំនូវមតិ ​យោបល់ ទស្សន​របស់តំណាងពលរដ្ឋក្រោមចក្ខុវិស័យទូលំទូលាយ ​និងកិច្ចសហប្រតិបត្តិការជើង ស្និទ្ធ ក្នុងគោលបំណងដោះស្រាយបញ្ហារួមរបស់ពិភពលោកដែលប៉ះពាល់​ដល់តំបន់អាស៊ីអាគ្នេយ៍ និង​ដើម្បីជំរុញឱ្យមានសន្តិសុខ​ ស្ថិរភាព និងវិបុលភាព។

យ៉ាងណាមិញ ក្នុងនាមរដ្ឋសភានៃព្រះរាជាណាចក្រកម្ពុជា ​សម្តេចពញាចក្រី ​ហេង សំរិន ប្រធានរដ្ឋ លើកទី៤៣ បានចូលរួមយ៉ាងសកម្មក្នុងការពង្រឹង​ និងពង្រីកវិស័យការទូតសភាទាំងក្នុងក្របខ័ណ្ឌ​ទ្វេភាគី​ និងពហុភាគីនៅក្នុងតំបន់ និងសកលលោក​ តាមរយៈនៃការចូលរួមពីអន្តរជាតិជាច្រើន មាន​ជាអាទិ៍ អន្តរសភាអាស៊ា MAIPA, សភាតំបន់អាស៊ី(APA)19, ​សភាអាស៊ីប៉ាស៊ីហ្វិ(APPF), កិច្ចប្រជុំភាពជាដៃគូសភាអាស៊ី- អឺរ៉ុប (ASEF), ​សភានិយាយភាសាបារាំងជាដើម៕ អត្ថបទ៖ សេក ឧត្តម