ភ្នំពេញ៖ ពិព័រណ៍បណ្ណសារគំនូរបុរាណពុទ្ធប្រវត្តិ ស្ថិតនៅសារមន្ទីរជាតិកម្ពុជា រាជធានីភ្នំពេញ ចាប់បើកឲ្យសាធារណជនចូលទស្សនា ចាប់ពីថ្ងៃទី១៨ រហូតដល់ថ្ងៃទី៣០ វិច្ឆិកា ឆ្នាំ២០២២។ ពិព័រណ៍នេះ ​រៀបចំដោយក្រសួងវប្បធម៌​ និងវិចិត្រសិល្បៈ។

ក្នុងពិធីបើក​សម្ពោធ​ពិព័រណ៍មិន​អចិន្ត្រៃយ៍ ​ស្តីពីបណ្ណសារគំនូរបុរាណពុទ្ធប្រវត្តិ ​ស្ថិតនៅសារមន្ទីរ ជាតិកម្ពុជា​ នាយប់ថ្ងៃទី១៧ ខែវិច្ឆិកា នេះ ឯកឧត្តម សោម សុគន្ធ ​រដ្ឋលេខាធិការក្រសួងវប្បធម៌ និងវិចិត្រសិល្បៈ ​បានឱ្យដឹងថា ​គោលបំណងសំខាន់ ​នៃការរៀបចំពិព័រណ៍ គឺដើម្បីបង្ហាញ​ពី​ពុទ្ធប្រវត្តិ​ ដែលបានបាត់បង់សំដៅអភិរក្ស ​និងផ្សព្វផ្សាយនូវកេរដំណែលស្នាដៃសិល្បៈវប្បធម៌ របស់​បុព្វបុរសខ្មែរ ដែលបានខិតខំ​កសាង​រាប់តំណ​ទុកសម្រាប់ជាមរតកដល់កូនចៅជំនាន់ក្រោយ​បាន​គង់វង្ស​ជា​និរន្តរ៍ត​រៀងទៅ។

លោក ឈឹម សុធី ប្រធាននាយកដ្ឋានសិល្បៈសូនរូប ​និងសិប្បកម្ម​ នៃក្រសួងវប្បធម៌ ​និងវិចិត្រ សិល្បៈ ​បានបញ្ជាក់ថា ​ស្នាដៃជាគំនូរបុរាណ ​ដែលត្រូវតាំងបង្ហាញក្នុងពិព័រណ៍នៅពេលនេះ គឺ​មានជាង ៣០ផ្ទាំង ​ដែលនិយាយអំពីដំណើរ​ដើមទង​ប្រវត្តិព្រះពុទ្ធ។

អ្នកចូលរួមទស្សនាពិព័រណ៍ ​បានលើកឡើងដែរថា​ ពួកគេចង់ដឹងបន្ថែមទៀតពីប្រវត្តិព្រះពុទ្ធ ​តាម រយៈគំនូរទាំងអស់នេះ។

កន្លងទៅក្រសួងវប្បធម៌ និងវិចិត្រសិល្បៈ​ បានដាក់ចេញគោលនយោបាយជាតិ ​ស្តីពី “វិស័យវប្ប ធម៌” ដែលជាមូលដ្ឋានគ្រឹះ ​និងជាត្រីវិស័យក្នុងការនាំឆ្ពោះដល់​ការផ្សារភ្ជាប់វិស័យវប្បធម៌ ទៅនឹង​ការអភិវឌ្ឍ​សេដ្ឋកិច្ចជាតិ ​ការ​ពង្រឹង​អត្តសញ្ញាណជាតិ ​ការ​លើក​ស្ទួយ​សីលធម៌​ និង​កិត្យានុភាព​ជាតិ ការ​រក្សាការ ​ពារ​ចំណេះដឹង​ប្រពៃណី ​និង​ការ​លើក​ស្ទួយ​ភាព​ផ្សេងៗ​គ្នា​នៃ​វប្បធម៌៕ អត្ថបទ៖ ទូច សោភ័ណ