នាវាពិឃាដជប៉ុន ចូលចតធ្វើទស្សនកិច្ច ដើម្បីពង្រឹងកិច្ចសហប្រតិបត្តិការជាមួយកម្ពុជា

ព្រះសីហនុ៖ នាវាស្វ័យការពារជើងទឹកជប៉ុន ឈ្មោះ JS HARUSAME បានចូលចតនៅកំពង់ផែស្វយ័តក្រុងព្រះសីហនុ នៅថ្ងៃទី១៨ ខែវិច្ឆិកា នេះ ដើម្បីធ្វើទស្សនកិច្ចពង្រឹងកិច្ចសហប្រតិបត្តិការជាមួយប្រទេសកម្ពុជា។

វរនាវីឯក គូដូ ម៉ាសាណូរី (KUDO MASANORI) មេបញ្ជាការនាវាពិឃាដជប៉ុន បានឱ្យដឹងថា ការចូលចតនេះ គឺចំខួបលើកទី៣០ នៃការអញ្ជើញកងកម្លាំងរក្សាសន្តិភាពពីប្រទេសជប៉ុន មកកម្ពុជាហើយ ឆ្នាំក្រោយនេះ គឺជាឆ្នាំទី៧០ នៃការបង្កើតទំនាក់ទំនងការទូត រវាងប្រទេសជប៉ុន និងប្រទេសកម្ពុជា ហើយនេះ គឺជាការចូលចតធ្វើទស្សកិច្ចរឹតចំណងសាមគ្គីភាព និងពង្រឹងកិច្ចសហប្រតិបត្តិការយោធាឱ្យកាន់តែសកម្មឡើង។ នាវាពិឃាដជប៉ុន និងសំចតនៅកម្ពុជា ចាប់ពីថ្ងៃទី១៨ដល់ថ្ងៃទី២០ ខែវិច្ឆិកា នេះ។

ឧត្តមនាវីត្រី អ៊ិន សុខេមរា នាយសេនាធិការរង ទទួលបន្ទុកទំនាក់ទំនងកិច្ចសហប្រតិបត្តិការអន្តរជាតិ នៃបញ្ជាការដ្ឋានកងទ័ពជើងទឹកមូលដ្ឋានសមុទ្រ បានឱ្យដឹងថា កន្លងមក នាវាស្វ័យការពារជើងទឹកជប៉ុន បានចូលចតនៅកំពង់ផែស្វយ័តក្រុងព្រះសីហនុជាច្រើនលើករួចមកហើយ ដើម្បីផ្លាស់ប្តូរបទពិសោធន៍ពីគ្នាទៅវិញទៅមក ខណៈប្រទេសទាំងពីរ បានមានទំនាក់ទំនងកិច្ចសហប្រតិបត្តិការល្អ។ នេះ គឺជាចូលចតលើកទី១៤ របស់នាវាស្វ័យការពារជើងទឹកជប៉ុន ស្មើនឹង៣០គ្រឿង។

សូមបញ្ជាក់ថា នាវាស្វ័យការពារជើងទឹកជប៉ុន គឺឈ្មោះ JS HARUSAME (DD-102) ដែលដឹកនាំដោយវរនាវីឯក KUDO MASANORI មេបញ្ជាការនាវា។ វាមានលក្ខណៈបច្ចេកទេស គឺជាប្រភេទនាវាពិឃាដ ដែលមានបណ្ដោយ១៥១ម ទទឹង ១៧.៤ម ជម្រៅទឹក ៥.២ម ទំងន់ផ្ទុក ៤.៥៥០តោន ចំនួនមនុស្ស ២០៥នាក់ ៕អត្ថបទ៖ គង់ ប៊ុនថា

អត្ថបទដែលទាក់ទង

រដ្ឋមន្ត្រីការបរទេសកម្ពុជាជម្រាបជូនរដ្ឋមន្ត្រីការបរទេសកូរ៉េអំពីបច្ចុប្បន្ន ភាពនៃស្ថានភាពព្រំដែនកម្ពុជា-ថៃ

សម្តេចកិត្តិសង្គហបណ្ឌិត ម៉ែន សំអន ចាត់ទុកវិនិយោគិនគឺជា «ដៃគូអភិវឌ្ឍន៍ដែលមិនអាចខ្វះបាន» ខណៈដែលក្រុមហ៊ុនចិនធំៗចំនួន ៦០ សម្លឹងឃើញពីសក្តានុពល និងឱកាសវិនិយោគនៅកម្ពុជា

អ្នករាយការណ៍ពិសេសសម្តែងនូវការបារម្ភចំពោះស្ថាននភាពសិទ្ធិមនុស្សដោយសារជម្លោះព្រំដែន

បណ្ដាញសង្គម

ព័ត៌មានចុងក្រោយ

ជនស៊ីវិល ១៦នាក់ត្រូវបានសម្លាប់ អំឡុងការវាយប្រហារថ្មីរបស់ក្រុមឧទ្ទាម នៅភាគខាងកើតកុងហ្គោ

បារាំងបញ្ជាក់ជាថ្មីនូវការគាំទ្រ ចំពោះ ICC និងថ្កោលទោសការគំរាមកំហែងលើតុលាការ

ចិនជំរុញឱ្យសហរដ្ឋអាមេរិក និងអ៊ីរ៉ង់បញ្ឈប់អរិភាព ហើយចាប់ផ្ដើមការសន្ទនាឡើងវិញ

លោក Rubio បញ្ជាក់ថា អ៊ីរ៉ង់នឹងខាតបង់ធ្ងន់ធ្ងរ ប្រសិនបើមិនភ្ញាក់រលឹកឡើងវិញ

ព័ត៌មានពេញនិយម

ក្រសួងអប់រំនឹងពិនិត្យលើកពេលប្រឡងបាក់ឌុបទៅដើមឆ្នាំ២០២២

ក្រុមក្មេងទំនើង ០៤នាក់ប្រើដាវ និងពូថៅបង្កហិង្សា ត្រូវតុលាការចោទប្រកាន់ពីបទ « ហិង្សា និងប៉ុនប៉ងឃាតកម្ម »

សម្ដេចតេជោ ហ៊ុន សែន ប្រកាសពីការចាប់ខ្លួនបុរសម្នាក់មានTikTok ឈ្មោះ «ហ៊ៅ អ៊ូខុង» ដែលផ្សព្វផ្សាយបំពុលព័ត៌មាន

សមត្ថកិច្ចខេត្តឧត្តរមានជ័យ ចុះធ្វើការស្រាវជ្រាវឃាត់ខ្លួនជនសង្ស័យចំនួន៣នាក់ លើករណីរំលោភសម្លាប់ នៅសង្កាត់អូរស្មាច់

សាលារដ្ឋចាប់ផ្ដើមផ្លាស់ប្ដូរទៅសិក្សាពេញមួយថ្ងៃដោយបង្រៀនថែមទាំងកំព្យូទ័រ និងភាសាអង់គ្លេស

ព័ត៌មានវីដេអូ

ក្រោយសង្រ្គាមរយៈពេលរាប់ទសវត្សរ៍ជាមួយរបបអ៊ីរ៉ង់ ក្រុមឃឺដមើលឃើញជ័យជំនះកាន់តែខិតជិតមកដល់

រុស្ស៊ី បាញ់មីស៊ីលលើក្រុង Kharkiv បន្ទាប់ពីអ៊ុយក្រែន វាយប្រហារយានដ្រូនដ៏ធំលើរុស្ស៊ី

ចិនជំរុញឲ្យសហរដ្ឋអាមេរិកគោរពការប្តេជ្ញាចិត្ត និងឈប់ផ្ដល់អាវុធដល់កោះតៃវ៉ាន់

កម្មករ និយោជិតនៅភ្នំពេញជិតពីរម៉ឺននាក់ នឹងជួបសម្ដេចតេជោនៅព្រឹកស្អែក

រដ្ឋសភាបានបោះឆ្នោត ផ្តល់សេចក្តីទុកចិត្ត ឯកឧត្តម ឌិត ទីណា ជារដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នាវាពិឃាដជប៉ុន ចូលចតធ្វើទស្សនកិច្ច ដើម្បីពង្រឹងកិច្ចសហប្រតិបត្តិការជាមួយកម្ពុជា