អឺរ៉ុបខាងកើត៖ ឧស្សាហកម្មផលិតអាវុធរបស់អឺរ៉ុបខាងកើត កំពុងបង្កើនការផលិតកាំភ្លើងវែង គ្រាប់កាំភ្លើងធំ និងយុទ្ធោបករណ៍ផ្សេងទៀត ដែលគេមិនដែលមើលឃើញចាប់តាំងពីសង្គ្រាមត្រជាក់មក ខណៈរដ្ឋាភិបាលនានាក្នុងតំបន់ដឹកនាំកិច្ចខិតខំប្រឹងប្រែងជួយអ៊ុយក្រែនប្រយុទ្ធជាមួយរុស្ស៊ី។
បណ្ដាសម្ព័ន្ធមិត្តដែលបានកំពុងផ្គត់ផ្គង់អាវុធ និងគ្រឿងយុទ្ធោបករណ៍យោធាដល់ទីក្រុង Kyiv ចាប់តាំងពីរុស្ស៊ីបានវាយលុកចូលប្រទេសជិតខាងរបស់ខ្លួនកាលពីថ្ងៃទី២៤ ខែកុម្ភៈបានកំពុងអស់អាវុធក្នុងឃ្លាំងរបស់ខ្លួន។ វិទ្យាស្ថាន Kiel សម្រាប់ការតាមដានសេដ្ឋកិច្ចសកលបានបង្ហាញថា សហរដ្ឋអាមេរិក និងចក្រភពអង់គ្លេសបានប្ដេជ្ញាផ្ដល់ជំនួយយោធាដោយផ្ទាល់ ឲ្យបានច្រើនបំផុតដល់អ៊ុយក្រែនកាលពីចន្លោះថ្ងៃទី២៤ ខែមករា និងថ្ងៃទី៣ ខែតុលា ក្នុងនោះប៉ូឡូញឈរនៅលំដាប់ទី៣ ហើយសាធារណរដ្ឋឆែកឈរនៅលំដាប់ទី៩។
អតីតក្រុមប្រទេសសន្ធិសញ្ញាវ៉ាសូវីមួយចំនួននៅតែប្រយ័ត្នប្រយែងជាមួយប្រទេសរុស្ស៊ី ដែលជាបងធំរបស់ខ្លួនក្នុងសម័យអតីតសហភាពសូវៀត និងមើលឃើញការជួយអ៊ុយក្រែនគឺជាបញ្ហាសន្តិសុខក្នុងតំបន់។ ប៉ុន្តែក្រុមមន្ត្រីរដ្ឋាភិបាលនានារាប់សិបនាក់ ក្រុមហ៊ុន និងក្រុមអ្នកវិភាគជាច្រើនដែលបានប្រាប់សារព័ត៌មាន Reuters បាននិយាយថា ជម្លោះនេះក៏បានបង្ហាញឲ្យឱកាសថ្មីផងដែរ សម្រាប់ឧស្សាហកម្មផលិតអាវុធរបស់តំបន់នេះ៕
អត្ថបទ៖ សុខមាន
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
