ភ្នំពេញ៖ សាលាមធ្យមសិក្សាវិចិត្រវិចិត្រសិល្បៈ ប្រកាសជ្រើសរើសសិស្សានុសិស្សចំនួនជាង៣០០នាក់ ចូលរៀនជំនាញសិល្បៈនានា ដែលការប្រឡងជ្រើសរើសសិស្សចូលរៀន ដោយឥតបង់ថ្លៃ សម្រាប់ឆ្នាំសិក្សា២០២២-២០២៣នេះ នឹងចាប់ផ្ដើមចែកពាក្យ និងទទួលពាក្យចាប់ពីថ្ងៃជូនដំណឹងនេះ រហូតដល់ថ្ងៃ១៥ ខែធ្នូ ឆ្នាំ២០២២។

បើតាមលោក ហេង កំសាន្ត នាយកស្តីទីសាលាមធ្យមវិចិត្រសិល្បៈ ​បានថ្លែងបញ្ជាក់​បន្ថែម​ប្រាប់BTV នៅថ្ងៃទី២៩ ខែធ្នូនេះថា ​ក្នុងចំណោមសិស្សជាង៣០០នាក់ ដែលនឹងជ្រើសរើស គឺមាន​អាយុចាប់​ពី៩ឆ្នាំឡើងទៅ និងមានការរៀនសូត្រចាប់ពីកម្រិតថ្នាក់ទី៣ឡើងទៅ ដែលនឹងត្រូវចូល​រៀនចំនួន៥​មុខជំនាញផ្សេងៗគ្នា រួមមាន​ ជំនាញដូរតន្ត្រី របាំ ល្ខោន សៀក និងជំនាញសិល្បៈសូន្យ។

លោកបញ្ជាក់ថា សាលាមធ្យមវិចិត្រសិល្បៈគឺជាគ្រឹះស្ថានសិក្សាកម្រិតបឋម​ដល់កម្រិតទុតិយភូមិ​របស់​រដ្ឋតែមួយគត់​ ដែលមានកម្មវិធីសិក្សាផ្ដោតសំខាន់លើវិស័យសិល្បៈវប្បធម៌ និងសិក្សា​ចំណេះទូទៅ​តាមកម្មវិធីសិក្សារបស់ក្រសួងអបរំយុវជន ​និងកីឡា។

លោក ហេង កំសាន្តបន្តថា ​នៅក្នុងដំណើរការការរៀន ​និងការបង្រៀនរបស់សាលានេះ គឺមាន​គោល​បំណងអភិរក្ស ថែរក្សា បណ្ដុះបណ្ដាល និងផ្ទេរចំណេះជំនាញនិងបទពិសោធ​លើវិស័យ​សិល្បៈជូនដល់កូនខ្មែរជំនាន់ចេះចំណេះជំនាញសិល្បៈខ្មែរនៅគ្រប់ទម្រង់ទាំងអស់ដែលជារបស់ខ្មែរ៕ អត្ថបទ ស៊ុម សុខជា