ភ្នំពេញ ៖ ព្រឹត្តិការណ៍ទេសចរណ៍កីឡា យាត្រាដើម្បីបេតិកភណ្ឌ(Temple Walk) នឹងត្រូវរៀបចំធ្វើនៅថ្ងៃទី៤ ខែធ្នូ ឆ្នាំ២០២២។ នេះបើតាមក្រសួងវប្បធម៌ និងវិចិត្រសិល្បៈ ផ្សព្វផ្សាយឱ្យដឹងនៅថ្ងៃទី២៩ ខែធ្នូ។

ប្រភពដដែលឱ្យដឹងទៀតថា អាជ្ញាធរជាតិព្រះវិហារ បានសហការជាមួយសមាគមទេសចរណ៍អាស៊ីប៉ាស៊ីហ្វិកកម្ពុជា ហៅកាត់ PATACC ទទួលបានការអនុញ្ញាតពីក្រសួងវប្បធម៌ និងវិចិត្រសិល្បៈ និងមានការគាំទ្រពីក្រសួងទេសចរណ៍ ក្រសួងបរិស្ថាន និង រដ្ឋបាលខេត្តព្រះវិហារ រៀបចំព្រឹត្តិការណ៍ទេសចរ ណ៍កីឡាមួយ ដែលបានឈ្មោះថា

 “យាត្រាដើម្បីបេតិកភណ្ឌ” (Temple Walk)

 យើងដើរដើម្បីបេតិកភណ្ឌ

 យើងដើរដើម្បីទេសចរណ៍

 យើងដើរដើម្បីបរិស្ថាន

 យើងដើរដើម្បីមិត្តភាព

ក្រសួងក៏បានអំពាវនាវដល់សាធារណជន សូមចូលរួមលើកកម្ពស់ វិស័យទេសចរណ៍ និងបរិស្ថាន តាមរយៈព្រឹត្តិការណ៍​កីឡាទាំងអស់គ្នា«កីឡានាំមកនូវសុខភាព និង មិត្តភាព» យើងរួមគ្នាដើរដើម្បីបេតិកភណ្ឌ ទេសចរណ៍ បរិស្ថាន មិត្តភាព និងការអភិវឌ្ឍសេដ្ឋកិច្ចមូលដ្ឋាន តាមរយៈព្រឹត្តិការណ៍កី ឡាទេសចរណ៍។ កម្មវិធីនេះ នឹងប្រព្រឹត្តទៅនៅថ្ងៃទី៤ ខែធ្នូ ឆ្នាំ២០២២ នៅរមណីយដ្ឋានប្រាសាទព្រះវិហារ។ ព្រឹត្តិការណ៍ទេសចរណ៍កីឡាដ៏មានសារ:សំខាន់នេះក៏នឹងមានការចូលរួមពីទេសចរជាតិ និងទេសចរអន្តរជាតិប្រមាណ២៥០នាក់ផងដែរ៕ ដោយ៖ គង់ ឌិន