ភ្នំពេញ៖ ក្រសួងការងារ និងបណ្តុះបណ្តាលវិជ្ជាជីវៈ រួមជាមួយ​អង្គការ​អន្តរជាតិ​ខាង​ការងារ(ILO),សមាគមទីភ្នាក់ងារជ្រើសរើសពលករកម្ពុជា (ACRA) និង​សមាគម​ទីភ្នាក់​ងារ​ហត្ថពលកម្ម​បច្ចេកទេសពី TRIANGLE in ASEAN បានរៀបចំពិធី​ចុះ​ហត្ថ​លេខា​លើ​ក្រម​សីលធម៌​ សម្រាប់​ទីភ្នាក់ងារជ្រើសរើសឯកជនកម្ពុជា និង​ពិធី​សម្ពោធ​ផ្សព្វផ្សាយ​ដាក់ឲ្យប្រើ​ប្រាស់​នូវ​ប្រព័ន្ធ​វាយតម្លៃសាកល្បង ដែលប្រព្រឹត្តទៅក្រោមវត្តមានរបស់ឯកឧត្តម អ៊ិត សំហេង រដ្ឋមន្រ្តី​ក្រសួង​ការងារ និងបណ្តុះបណ្តាលវិជ្ជាជីវៈ ។

នៅក្នុងពិធី នៅព្រឹកថ្ងៃទី៣០ វិច្ឆិកា ឆ្នាំ២០២២នេះ បានឲ្យដឹងថា គោលបំណង នៃការបង្កើតកម្មវិធីនេះឡើង មានដូចជា៖ ដើម្បីផ្ដល់ឱកាសដល់ទីភ្នាក់ងារ​ជ្រើសរើស​ឯកជន​កម្ពុជា​ទាំងអស់ បង្ហាញពីការប្ដេជ្ញាចិត្តរបស់ពួកគ ចំពោះគោលការណ៍​ជ្រើសរើស​ពលករ​ដោយ​យុត្តិធម៌ និងក្រមសិលធម៌សម្រាប់ទីភ្នាក់ងារជ្រើសរើសឯកជនកម្ពុជា, ដើម្បីលើ​ក​កម្ពស់​ការ​យល់ដឹ​ងអំពីគោលការណ៍ ការអនុវត្ត ក្របខ័ណ្ឌវាយតម្លៃ និងបញ្ជីត្រួត​ពិនិត្យ​របស់​ក្រម​សីលធម៌​ សម្រាប់ទីភ្នាក់ងារជ្រើសរើសឯកជន និងដើម្បី​ចាប់​ផ្ដើម​ការ​សាកល្បង នៃ​ការ​វាយ​តម្លៃក​សិផល​ធម៌​ សម្រាប់ទីភ្នាក់ងារជ្រើសរើសឯកជន។