អន្ដរជាតិ៖ ប្រជាពលរដ្ឋមានវ័យចំណាស់មួយចំនួនរស់នៅក្នុងទីក្រុងសៀងហៃ ប្រទេសចិន បានបង្ហាញ​​ក្តីកង្វល់​របស់ខ្លួនចំពោះ​ការ​បញ្ឈប់វិធានការទប់ស្កាត់ជំងឺ COVID-19កម្រិតសូន្យណាមួយ​ បើទោះបីការធ្វើតេស្តរកវីរុសតាមទម្លាប់​នៅតែបន្តធ្វើ​នៅ​ក្នុង​​ទីក្រុងមជ្ឈមណ្ឌលពាណិជ្ជកម្មមួយនេះក៏ដោយ ។ លោកយាយ Ye Weifang វ័យ ៨៣​ឆ្នាំ ដែលពុំទទួលបានការចាក់វ៉ាក់សាំងបង្ការជំងឺ COVID-19 ដោយសារក្តីបារម្ភពី​សុខ​ភាព​របស់លោក​យាយ បាននិយាយថា លោកយាយព្រួយបារម្ភពិតមែន បើសិនជាវិធានការទប់ស្កាត់ត្រូវបានដកចេញ ជា​ពិសេសសម្រាប់​មនុស្សចាស់ដែលពុំបានចាក់វ៉ាក់សាំងដូចជាលោកយាយ។ បើសិនជាវាកើតឡើងពិតមែន វានឹងក្លាយជា​បញ្ហា​កាន់​តែ​ធំ​សម្រាប់​មនុស្សចាស់ ងាយឆ្លងជំងឺមួយនេះ៕