ភ្នំពេញ ៖ ហឹបវិញ្ញាសាសម្រាប់ដំណើរការសំណេរនៃការប្រឡងសញ្ញាបត្រមធ្យមសិក្សាទុតិយភូមិសម័យប្រឡង០៥ ធ្នូ ២០២២ ត្រូវបានដឹកជញ្ជូនទៅរក្សាទុកនៅតាមរដ្ឋបាលសាលារាជធានី-ខេត្តប្រកបដោយសុវត្ថិភាព។ នេះបើតាមក្រសួងអប់រំ យុវជន និងកីឡា បានផ្សព្វផ្សាយឱ្យដឹងនៅថ្ងៃទី២ ខែធ្នូ ឆ្នាំ២០២២។

ប្រភពដដែលបញ្ជាក់បន្ថែមថា ក្នុងដំណើរការនៃការទុកដាក់ហឹបវិញ្ញាសានេះ មានការចូលរួមពិនិត្យយ៉ាងហ្មត់ចត់ដោយ​ស្មារតីទទួល​ខុសត្រូវខ្ពស់ពីសំណាក់គណៈមេប្រយោគ គណៈកម្មការអប្បមាទទូទាំងប្រទេស អនុគណៈកម្មការអប្បមាទទូទាំងប្រទេស ព្រមទាំងអង្គភាពប្រឆាំងអំពើពុករលួយ អាជ្ញាធរដែនដីដែលពាក់ព័ន្ធ ដើម្បីរក្សាបាននូវស្តង់ដា​នៃការប្រឡងប្រកបដោយ​ប្រសិទ្ធភាពខ្ពស់៕ ដោយ៖ គង់ ឌិន​