អាមេរិក៖ សមាជិកសភាជាន់ខ្ពស់មួយរូបរបស់សហរដ្ឋអាមេរិក លោកស្រី ម៉ាហ្ស៊ីន វ៉តធើ បានអំពាវនាវឲ្យមានការរុះរើនគរបាលសហរដ្ឋអាមេរិក ស្របពេលដែលលោកស្រីចូលរួមតវ៉ារយៈពេល ៧យប់ជាប់ៗគ្នានៅតំបន់ជាយក្រុងមីណេអាប៉ូលីស ចំពោះការស្លាប់របស់លោក ដូន រ៉ាយ គឺជាបុរសស្បែកខ្មៅវ័យក្មេងម្នាក់ត្រូវបានបាញ់សម្លាប់ ដោយនគរបាលស្រីស្បែកស។
យុវជនវ័យ ២០ឆ្នាំម្នាក់នេះត្រូវបានសម្លាប់ពេលរូបលោកឈប់ភ្លើងស្តុប ធ្វើឲ្យមានកំហឹងយ៉ាងខ្លាំង និងការតវ៉ាប្រឆាំងនឹងអំពើឃោរឃៅរបស់ក្រុមនគរបាល និងភាពអយុត្តិធម៌ជាតិសាសន៍។ លោកស្រី វ៉តធើ ដែលជាប្រធានគណៈកម្មាធិការសភា ទទួលបន្ទុកសេវាកម្មហិរញ្ញវត្ថុបាននិយាយកាលពីថ្ងៃសៅរ៍ មុនបម្រាមគោចរម៉ោង ១១យប់ថា នគរបាលត្រូវតែធ្វើកំណែទម្រង់។ ក្រុមបាតុករបានជួបជុំគ្នាជារៀងរាល់យប់ ចាប់តាំងពីការសម្លាប់លោក រ៉ាយ នៅតំបន់ជាយក្រុងចម្ងាយប្រហែល ១៦គីឡូម៉ែត្រភាគខាងជើងទីក្រុងមីណេអាប៉ូលីស។
មិនដូចគ្នានឹងយប់ថ្ងៃសុក្រនោះទេ ពេលដែលក្រុមនគរបាលប្រដាប់ដោយខែលការពារកុប្បកម្ម ចេញមកបំបែកបាតុកម្មខុសច្បាប់ និងចាប់ខ្លួនមនុស្សយ៉ាងហោច ១០០នាក់ដែលរួមទាំងក្រុមអ្នកសារព័ត៌មានផងដែរ ការជួបជុំគ្នាកាលពីយប់ថ្ងៃសៅរ៍ហាក់មានសភាពស្ងប់ស្ងាត់។ ក្រុមបាតុករបានឈរតាមរបងចងភ្ជាប់នឹងច្រវាក់នៅជុំវិញប៉ុស្តិ៍នគរបាល ស្រែកពាក្យស្លោក បិទទ្វារ និងគ្រវីទង់ ''បញ្ហាជីវិតជនជាតិស្បែកខ្មៅ'' ប៉ុន្តែពួកគេមិនបានព្យាយាមបំពានលើបារ៉ាស់នោះទេ៕
អត្ថបទ៖ សារ៉ាត់
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
