ភ្នំពេញ៖ ឯកឧត្តម សំហេង បុរស ជារដ្ឋលេខាធិការក្រសួងសង្គមកិច្ច អតីតយុទ្ធជន និង​យុវនីតិសម្បទា ជាបុគ្គលជាជោគជ័យមួយរូប និងចូលរួមជាវាគ្មិន ផ្ដល់កិច្ចសន្ទនា​ផ្តល់​ជាចំណេះដឹង បទពិសោធន៍ជូន សាធរណជន ជាពិសេសយុវជន សម្រាប់កម្មវិធី ទូតសុឆន្ទៈយុវជនច្នៃប្រឌិត។

កិច្ចសន្ទនាជាមួយឯកឧត្តម សំហេង បុរស គឺនឹងចាក់បញ្ចាំងអនឡាញលើទំព័រ​ YouTube ផ្លូវការរបស់ ឯកឧត្តម។ ភាគទីមួយ ​នៃកម្មវិធី នឹងចាក់ផ្សាយ ​នៅរាត្រីថ្ងៃទី ៧ធ្នូ ម៉ោង៧យប់ ដែលមានរយៈពេល៣៣នាទី តាមរយៈ https://www.youtube.com/watch?v=1A-TvlLszAQ ។ វីដេអូនៃកិច្ចសន្ទនានេះ ​គឺមានចំនួន ៣ភាគ ដោយភាគទី ១ ធ្វើឡើងក្រោមប្រធានបទ “ដំណើរស្វែងរកភាពជាខ្លួនឯង” ភាគទី ២ជាប្រធានបទនិយាយពី “ចំណង់ចំណូលចិត្ត និងឱកាស” និងវីដេអូភាគទី ៣ គឺជជែកលើប្រធានបទ“សិល្បៈនិងការអប់រំ” កិច្ចសន្ទនាទី ៤ពិភាក្សាលើ“មនុស្សនិងសិល្បៈ” និងកិច្ចសន្ទនាចុងក្រោយគឺផ្តោតលើ “ការនិពន្ធជីវិត”។

កិច្ចពិភាក្សាទាំងនេះ ​ជំរុញឱ្យមានការរៀនសូត្រ ការស្រាវជ្រាវ ការបង្កើតថ្មី និងការធ្វើសកម្មភាព​ដើម្បី​ការផ្លាស់ប្តូរជាវិជ្ជមាននៅក្នុងជីវិតរបស់​ បុរសផ្ទាល់ព្រមទាំងភ្ញៀវដែលគាត់បាន​ពិភាក្សា​វិភាគវែកញែកជាមួយ ​ព្រមទាំងទស្សនិកជននិងអ្នកស្តាប់ផងដែរ។

ឯកឧត្តម សំហេង បុរស ចែករំលែក និងរៀនពីបទពិសោធន៍របស់គ្នាទៅវិញទៅមក។ ប្រធានបទដែលត្រូវបានពិភាក្សា អាចទាក់ទងនឹង យុវជនកម្ពុជា​ សិល្បៈ ការច្នៃប្រឌិត កិច្ចការ​សង្គម គាំពារសង្គម ប្រព័ន្ធជំនួយសង្គមកម្ពុជា​ វិទ្យាសាស្ត្រ ​បច្ចេកវិទ្យា វិស្វកម្ម សិល្បៈ និងគណិតវិទ្យា (S.T.E.A.M) ការអភិវឌ្ឍ​ផ្ទាល់ខ្លួន និងអាជីព​ និងអ្វីផ្សេងទៀតដែរគួរឱ្យចាប់អារម្មណ៍​និង​មានប្រយោជន៍៕