​ភ្នំពេញ ៖ រង្វង់ការចុះបង្ក្រាបទីតាំងល្បែងដ៏ធំមួយ ក្នុងអាគារមជ្ឈមណ្ឌល ព្រីនស៍ផ្លាហ្សា ស្ថិតតាមបណ្តោយមហាវិថីព្រះនរោត្តម ក្នុងសង្កាត់ទន្លេបាសាក់ ខណ្ឌចំការមន នាវេលារសៀលថ្ងៃទី០៧ ខែធ្នូ ឆ្នាំ២០២២ នេះ អាជ្ញាធរចម្រុះ ពីសំណាក់កម្លាំងគណះបញ្ជាការឯកភាពខណ្ឌចំការមន បានបញ្ជាក់ពីលទ្ធិផលហើយ គិតត្រឹមល្ងាចថ្ងៃខែដដែលនេះ ។

ជាលទ្ធិផល កម្លាំងចម្រុះ បានឃាត់ខ្លួនមនុស្សសរុប១២នាក់ ប្រុស០៦នាក់ ( ជនជាតិចិន៤នាក់ ) និងដកហូតវត្ថុតាងមួយចំនួនធំ មានដូចជា ៖ ទូហ្គេមបាញ់ត្រី ៤គ្រឿង , ទូហ្កេមតុក្កតា ១២គ្រឿង , តុលេងបាក្រាត ចំនួន០២ , ទូរសព្ទ ១១គ្រឿង , កុំព្យូទ័រលើតុ ចំនួន១គ្រឿង , ម៉ាសុីនគិតលេខ ១គ្រឿង , ម៉ាសុីនរាប់លុយ ១គ្រឿង និងបៀក្រដាស និង កាក់សម្រាប់លេងបាញ់ត្រីមួយចំនួនធំ ទៀតផងដែរ ។ ចំពោះទីតាំង អាជ្ញាធរ សម្រេចបិទឃ្លុំប៉េជាបណ្តោះអាសន្នសិន ។

ក្រោយការបង្ក្រាប ទាំងមនុស្ស និងវត្ថុតាង ត្រូវឃាត់បញ្ចូនទៅកាន់អធិការដ្ឋាននគរបាលខណ្ឌ ដើម្បីចាត់ការបន្តនីតិវិធីច្បាប់ ៕ ​អត្ថបទ៖ លីហេង