ភ្នំពេញ៖ នាព្រឹកថ្ងៃទី៨ ខែធ្នូ ឆ្នាំ២០២២ ឯកឧត្តម ហង្ស ពុទ្ធា សមាជិក និងជា​អ្នកនាំ​ពាក្យ​គណៈកម្មាធិការ​ជាតិ​រៀបចំការបោះឆ្នោត ហៅកាត់ (គ.ជ.ប) បានអញ្ជើញដឹកនាំ​កិច្ចប្រជុំ​ផ្សព្វផ្សាយ​ជា​មួយភាគីពាក់ព័ន្ធ ស្តីពីកា​រប្រកាសបិអបញ្ចប់ដំណើរការចុះឈ្មោះបោះឆ្នោតតាមឃុំ-សង្កាត, លទ្ធផលបណ្តោះអាសន្ន នៃការពិនិត្យបញ្ជីឈ្មោះ និងការចុះឈ្មោះបោះឆ្នោត។

គិតត្រឹមថ្ងៃទី៧ ខែធ្នូ ឆ្នាំ២០២២ មានប្រជាពលរដ្ឋចុះឈ្មោះបោះឆ្នោតថ្មី មានចំនួន​ ៥៧៧.៥៥០​នាក់, អ្នកដែលនឹងត្រូវលុបឈ្មោះចេញពីបញ្ជីបោះឆ្នោត មានចំនួន ២៥៨.៣៧២​នាក់, អ្នកដែលបានកែតម្រូវទិន្នន័យ មានចំនួន ៦០.៧៦៩នាក់ និង​អ្នក​ដែល​បាន​ផ្ទេរ​ទី​លំ​នៅ​ចូល​ក្នុង​ឃុំ-សង្កាត់ថ្មី មានចំនួន ១៧៨.៥២១នាក់។