អន្ដរជាតិ៖ របាយការណ៍ប្រចាំឆ្នាំរបស់ទីភ្នាក់ងារការពារជាតិអឺរ៉ុប(EDA)បង្ហាញថា សហភាពអឺរ៉ុប បានចំណាយលើវិស័យ​ការ​ពារ​ជាតិខ្ពស់បំផុត​ក្នុងឆ្នាំ ២០២១​ជាមួយនឹងការវិនិយោគសរុប ២១៤ពាន់លានអឺរ៉ូ (ស្មើនឹងជាង ២២៦ពាន់លានដុល្លារ) ពោល​គឺកើនឡើង​ ៦ភាគរយពីឆ្នាំមុន។

ការសិក្សារបស់ EDA រកឃើញថា រដ្ឋសមាជិកសហភាពអឺរ៉ុប បានបង្កើនការចំណាយ ៦ភាគរយក្នុងឆ្នាំ ២០២០ ដែលជាកំណើនខ្ពស់បំផុតឆ្នាំផ្ទួនៗគ្នា ចាប់តាំងពីសហភាពអឺរ៉ុប ផ្លាស់ប្តូរនិន្នាការវិនិយោគយោធា​របស់ខ្លួន និង​ចាប់ផ្តើម​ការ​ចំណាយលើវិស័យការពារជាតិ ចាប់ពីឆ្នាំ ២០១៥ ពេលដែលពួកគេឆ្លងផុតវិបត្តិហិរញ្ញវត្ថុ៕