​ស្នូកឃ័រ៖ ​ជើងឯក​ស្នូកឃ័រ​ពិភពលោក ៤សម័យ John Higgins បាន​តាម​ពីក្រោយ​យកឈ្នះ​កីឡាករ​ចិន Tian Pengfei ដើម្បី​ឡើង​ជុំ​ទី២ ការប្រកួត​ស្នូកឃ័រ​ជើងឯក​ពិភពលោក​។ ​កីឡាករ​លំដាប់​លេខ៥ ពិភពលោក John Higgins តាម​តាម​ពីក្រោយ ៤-៣ហ្វ្រេ​ម​ដែល​នាំមុខ​ដោយ​កីឡាករ​ចិន Tian Pengfei ក្នុង​ដំណាក់កាល​ដំបូង​។

​​តែ​ចូល​ដំណាក់កាល​ទី២ Tian Pengfei បន្ត​នាំមុខ​ទៀត ៧-៤ តែ​កីឡាករ​ចិន​ដែល​ឡើង​មកពី​វគ្គ​ជំ​រុះ​រូប​នេះ​បាន​ខក​ឱកាស​ជាច្រើន ស្រប​ពេល John Higgins ក្តោប​យក​ឱកាស​ដើម្បី​វាយ​បក​យកឈ្នះ​វិញ ១០-៧​។ ​ជុំ​បន្ត John Higgins នឹងត្រូវ​ជួប​ជាមួយ Mark Williams រឺ Sam Craigie​។ ​ចំណែក​ឯ​ជើង​ឯក​រង​ឆ្នាំមុន Kyren Wilson ក៏បាន​ឈានចូល​ជុំ​បន្ត​ដែរ​ក្រោយ​យកឈ្នះ​កីឡាករ Gary Wilson ១០-៨ហ្វ្រេ​ម​។ ​Gary Wilson បាន​នាំមុខ ៥-១ ក្នុងដំណាក់កាល​ដំបូង មុនពេល​ដែល Kyren Wilson វាយបក​វិញ​។ ​ជុំ​បន្ត Kyren Wilson នឹង​ជួប​ជាមួយ Barry Hawkins រឺ Matthew Selt​។ ​ដោយឡែក​គូប្រកួត​របស់ Ronnie O’Sullivan នៅ​ជុំ​ទី២ រកឃើញ​ហើយ Anthony McGill ដែល​បាន​យកឈ្នះ Ricky Walden ១០-៥ហ្វ្រេ​ម​៕

​អត្ថបទ​៖​នាង សុភា​វុ​ធ