មីយ៉ាន់ម៉ា៖ ដោយការសម្រាកនៅក្បែរបារ៉ាស់ យុវជនប្រដាប់អាវុធមួយក្រុមនៅសង្កាត់តាហាន់ ស្ថិតនៅទីក្រុងភាគខាងលិចកាឡេ សហភាពមីយ៉ាន់ម៉ា មិនរំពឹងនោះទេថានឹងមានការវាយប្រហារនៅពេលព្រឹកព្រលឹមពីកងទ័ព។
ប្រដាប់ដោយអាវុធកែច្នៃ ក្រុមយុវជនទាំងអស់នេះហាក់ដូចជាមិនខ្លាចរអានោះឡើយ នឹងការចូលរួមធ្វើសង្គ្រាមប្រឆាំងនឹងរបបសឹកយោធា។ ក្រុមអ្នកស្រុក និងក្រុមបាតុករនៅទីក្រុងកាឡេបាននិយាយថា ការបាញ់កាំភ្លើង និងការចោលគ្រាប់បែកដំបូងពីយោធាសហភាពមីយ៉ាន់ម៉ា បានកើតមាននៅវេលាម៉ោងប្រហែល ៥ព្រឹកថ្ងៃទី៧ ខែមេសា។ មនុស្ស ៣នាក់ដែលពាក់ព័ន្ធនឹងក្រុមប្រដាប់អាវុធក្នុងស្រុកទាំងនេះ បាននិយាយប្រាប់ទីភ្នាក់ងារព័ត៌មានរ៉យទ័រថា នៅពេលល្ងាចការបង្ហូរឈាមគ្នាបង្កឡើងតែភាគីម្ខាងបានបញ្ចប់ បារ៉ាស់ដីខ្សាច់ត្រូវបានសម្អាត ហើយមនុស្ស ១៣នាក់បានស្លាប់។ ទាហានបានដាក់ពង្រាយនៅតាមផ្លូវ ហើយនឹងបន្តឈរជើងរហូតមកដល់នឹងពេលនេះ។ លោក អ៊ុង ម្យ៉ាតធូ ជាបាតុករវ័យ ២០ឆ្នាំនៅទីក្រុងកាឡេបាននិយាយប្រាប់រ៉យទ័រតាមសារថា មនុស្សជាច្រើននៅភាគីពួកយើងបានរងរបួស ដោយសារតែមិនអាចធ្វើអ្វីបានក្រៅពីការដកថយប៉ុណ្ណោះ៕
អត្ថបទ៖ សារ៉ាត់
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
