​រុស្ស៊ី៖ វិមាន​ក្រឹម​ឡាំងរិះគន់​ការអំពាវនាវ​របស់លោក Zelenskyy ឲ្យ​ដក​កងទ័ព​ដោយ​និយាយថា អ៊ុយ​ក្រែ​ន​ត្រូវតែ​ប្រឈម​ការពិត​ ខណៈ​រុស្ស៊ី​អះអាង​ការគ្រប់គ្រង​ទឹកដី​ដែល​កងកម្លាំង​របស់ខ្លួន​ មិនទាន់បាន​គ្រប់គ្រង​ទាំងស្រុង​ផង​នោះ​។

​លោក Peskov អ្នកនាំពាក្យ​វិមាន​ក្រឹម​ឡាំង​បាន​និយាយថា អ៊ុយ​ក្រែ​ន​ត្រូវតែ​ទទួលយក​ការពិត​ដែល​បាន​វិវឌ្ឍន៍​ក្នុង​សង្គ្រាម​នេះ​។ លោក​បាន​សំដៅ​ដល់​ការអះអាង​របស់​ទីក្រុង Moscow ជុំវិញ​ដែនដី​របស់​អ៊ុយ​ក្រែ​ន ដែល​កងកម្លាំង​រុស្ស៊ីមិនទាន់បាន​គ្រប់គ្រង​ទាំងស្រុង​ផង​នោះ​។ វិមាន​ក្រឹម​ឡាំង​បាន​ច្រានចោល​ការអំពាវនាវរ​បស់​ប្រធានាធិបតី​អ៊ុយ​ក្រែ​ន​លោក Volodymyr Zelenskyy ឲ្យ​ដក​កងទ័ព​ចេញពី​ទឹកដី​អ៊ុយ​ក្រែ​ន​ ដោយ​ជំរុញ​ឲ្យ​ទីក្រុង ​Kyiv ទទួលយក​ការអះអាង​របស់​ទីក្រុង Moscow លើ​ដែនដី​របស់​អ៊ុយ​ក្រែ​ន ដែល​កងកម្លាំង​រុស្ស៊ីពុំទាន់​បាន​គ្រប់គ្រង​ទាំងស្រុង​នៅឡើយ មុន​ការចរចា​សន្តិភាព​អាច​ត្រូវបាន​ពិចារណា​។​

​ការអត្ថាធិប្បាយ​របស់​លោក Peskov មាន​ឡើង​ក្រោយ​លោក Zelenskyy បាន​និយាយ​កាលពី​ថ្ងៃ​ចន្ទ​ក្នុង​សុន្ទរកថា ជាមួយ​បណ្ដា​មេដឹកនាំ​ប្រទេស​មាន​ឧស្សាហកម្ម​លូតលាស់ ​G7 ថា កងទ័ព​រុស្ស៊ីត្រូវតែ​ចាកចេញ ដោយ​បន្ថែមថា រឿងនេះ​នឹង​កើតឡើង​។ ខ្ញុំ​មើលមិនឃើញ​ទេ ពី​មូល​ហេតុដែល​រុស្ស៊ីមិនគួរ​ធ្វើ​នៅពេលនេះនៅ​ថ្ងៃបុណ្យ​ណូអែល​៕

អត្ថបទ៖ សុខមាន