​អ៊ុយ​ក្រែ​ន៖ ប្រជាជន​អ៊ុយ​ក្រែ​ន​ដែល​កំពុង​ចាក​ចេញពី​ទីក្រុង Bakhmut ភាគ​ខាងកើត​ក្នុង​សប្តាហ៍​នេះ បាន​និយាយ​អំពី​ការបាញ់​ផ្លោង​របស់​រុស្ស៊ី​ឥត​ឈប់ឈរ ដែល​បង្ខំ​ឱ្យ​អ្នកស្រុក​ស្នាក់នៅ​ក្នុង​បន្ទប់​ក្រោម​ដី និង​ដេក​ក្នុង​ភាព​ត្រជាក់​ខ្លាំង​។

ទីក្រុង Bakhmut មាន​ប្រជាជន​ចំនួន ៨០,០០០​នាក់ មុន​ពេលដែល​រុស្ស៊ី​ចាប់ផ្តើម​ការវាយលុក​ទ្រង់​ទ្រាយ​ធំ​លើ​ទឹកដី​អ៊ុយ​ក្រែ​ន​ក្នុង​ខែកុម្ភៈ បាន​ក្លាយជា​និមិត្តរូប​នៃ​សង្គ្រាម​ដែល​កំពុង​កើតមាន ​នៅតាម​បណ្តោយ​ព្រំដែន​ភាគ​ខាងកើត ជា​កន្លែង​ដែល​ទីតាំង​សត្រូវ​ស្ថិតនៅ​ចម្ងាយ​ជាង​ ២០០-៣០០​ម៉ែត្រក្នុង​ប៉ុន្មាន​សប្តាហ៍​ថ្មីៗ​នេះ​។​ អ្នកជំនាញ​យោធា​និយាយ​ថា​ ទីក្រុង Bakhmut ទំនង​ជាមាន​យុទ្ធសាស្ត្រ​តិចតួច ប៉ុន្តែ​កងកម្លាំង​រុស្ស៊ី​រួម​ទាំង​ទាហាន​ស៊ីឈ្នួល​កំពុង​ប្រយុទ្ធ​ឲ្យ​ក្រុមហ៊ុន Wagner ក្នុង​រយៈពេល​ប៉ុន្មាន​ថ្ងៃ​ថ្មីៗ​នេះ​ដែល​បាន​បង្កើន​ការ​បាញ់​ផ្លោង​។​

​ស្ត្រី​ចូលនិវត្តន៍​អាយុ ៧០​ឆ្នាំ​ម្នាក់​និយាយថា លំនៅឋាន​បាន​រង្គើ ហើយ​យើង​មិនអាច​ដេកលក់​នោះ​ទេ​ក្នុង​សប្តាហ៍​ចុងក្រោយ​នេះ​ទេ ដូច្នេះ​លោកស្រី​សម្រេចចិត្ត​ចាកចេញ​។ នៅមុន​សង្គ្រាម​ទីក្រុង Bakhmut ត្រូវបាន​គេ​ស្គាល់​ថា​ ជាទី​ក្រុង​ល្អ​បំផុត​សម្រាប់​ម៉ាក​យីហោ​ដ៏​ពេញ​និយម​របស់​ខ្លួន​នៃ​សម័យ​សូ​វៀត ដូចជា​ផលិតផល​ស្រា​ជាដើម​។ ការបាត់​បង់​ផ្នែក​យោធា​ទាំងសងខាង​អាច​មាន​កម្រិត​ធ្ងន់​នៅ​ក្នុង ​និង​ជុំវិញ​ទីក្រុង Bakhmut នៅ​ក្នុង​ការ​ប្រយុទ្ធ​គ្នា​ចាប់តាំងពី​ខែឧសភា​។ យោង​តាម​អភិបាល​តំបន់​បាន​ឲ្យ​ដឹង​ថា ​ប្រជាជន​មិន​ដល់ ១២,០០០​នាក់​នៅតែ​ស្ថិត​ក្នុង​ទីក្រុង​មួយ​នេះ​ដែល​បាន​រង​ការខូចខាត​យ៉ាង​ធ្ងន់ធ្ងរ៕​

អត្ថបទ៖ ប៊ុនថន