​ឧត្ដរមានជ័យ ៖ កសិកររស់នៅស្រុកបន្ទាយអំពឹល ខេត្តឧត្តរមានជ័យ បានចាប់ផ្តើមដាំដុះដំណាំដំឡូងមីខណៈ​រដូវនេះមាន​ភ្លៀងធ្លាក់ជោគជាំដែល​ជាកក្តា​អំណោយ​ផល ដល់ការបង្ករបង្កើនផលរបស់ពួកគាត់។

​

កសិករឈ្មោះ ភាព មានវយ័ប្រម៉ានជា៥០ឆ្នាំបានឲ្យដឹងនៅថ្ងៃទី២០ ខែមេសាថា ក្រុមក្រួសាររបស់គាត់​កន្លងមកប្រកបមុខរបរធ្វើ​កសិកម្មអស់​រយៈ​ពេលជិត២០ឆ្នាំមកហើយ ដោយការធ្វើស្រែ នឹងដាំដំឡូងមី ហើយការដាំដំឡូងមីនេះដែលភាគច្រើនវាតែងតែផ្តល់ផលបាន​ល្អប្រសើរគួរជា​ទីគាប់ចិត្តជាងការ​ធ្វើស្រែដោយតម្លៃលក់​ចេញទៅឲ្យក្រុមឈ្មួញ​បច្ចុប្បន្នក្នុងអំឡូងពេលវិបត្តិកូវីដ-១៩នេះគឺពេលប្រមូលផលម្តងៗនោះ​មានតម្លៃហក់​ឡើងខ្ពស់​ក្នុងរយះពេលប៉ុន្មានឆ្នាំនេះ។

លោកបានបន្តថាពេលខ្លះក៏មានក្រុមឈ្មួញមកចាំទទួលទិញដល់កន្លែងក៏មានដើម្បីដឹកចេញយកទៅលក់បន្តនៅឯប្រទេសជិតខាងដូចជាប្រទេសថៃ នឹង វៀតណាមជាដើម ដោយតម្លៃថ្លៃសមរម្យផងដែរនៅលើទីផ្សារ។

លោកបញ្ជាក់ថាទោះបីស្ថិតក្នុងកាលះទេសះកូវីដ-១៩កំពុងតែរាតត្បាតយីយាប្រឈមយ៉ាងណាក្តីក៏រូបលោកមិនសូវមានការបារម្មណ៏នោះឡើយ​ចំពោះការធ្វើ​កសិកម្មរបស់​លោកព្រោះ​ថា តម្លៃដំឡូងលើទីផ្សារហាក់បីដូចជាមិនមានការប្រែប្រួលឬក៏ធ្លាក់​ចុះនោះឡើយផ្ទុយទៅវិញ​ក្នុងស្ថានភាព​បែបនេះបែរជាតម្លៃហក់ឡើងខ្ពស់ទៅវិញសំរាប់ការលក់​ចេញឲ្យទៅក្រុមឈ្មួញ៕​អត្ថបទ ៖ ឃិនសារិទ្ធ