ភ្នំពេញ៖ មានពាក្យពេចន៍ថ្មីៗ និងធ្លាប់បានប្រើប្រាស់កន្លងមកជាងបួនម៉ឺនពាក្យ ត្រូវអ្នកជំនាញនៅរាជបណ្ឌិត្យ សភាកម្ពុជារៀបចំដាក់បញ្ចូលក្នុង App របស់ទូរសព្ទ សម្រាប់សាធារណជនទូទៅងាយប្រើប្រាស់។ នេះបើតាមឯកឧត្ដមបណ្ឌិត មាឃ បូរ៉ា ប្រធានវិទ្យាស្ថានភាសាជាតិ នៃរាជបណ្ឌិត្យសភាកម្ពុជា បាន លើកឡើងនៅក្នុងបទបង្ហាញ ស្ដីពី សមិទ្ធផល៥ឆ្នាំរបស់វិទ្យាស្ថានភាសាជាតិ នៅថ្ងៃទី១៤ ខែធ្នូ ឆ្នាំ២០២២។

ឯកឧត្ដមបន្ថែមថា ក្រៅពីការដាក់បញ្ចូលពាក្យពេចន៍នានាជាច្រើនទៅក្នុង App របស់ទូរសព្ទដៃ អ្នកជំ នាញក៏បានរៀបចំវចនានុក្រមភាសាខ្មែរបុរាណតាមរយៈសិលាចារឹកសតវត្សរ៍ទី៩-១៤ ដែលមានជាង២០០០ ទំព័រផងដែរ។

វិទ្យាស្ថានភាសាជាតិ ជាស្ថាប័នមួយចំណុះឱ្យរាជបណ្ឌិត្យសភាកម្ពុជា ដែលមានតួនាទីស្រាវជ្រាវចង ក្រងទំនៀមប្រពៃណីខ្មែរ អក្សរសាស្ត្រ អក្សរសិល្ប៍ ភាសាវិទ្យា និងសិលាចារឹកជាដើម។

រាជបណ្ឌិត្យសភាកម្ពុជា គឺជាស្ថាប័នស្រាវជ្រាវជាន់ខ្ពស់តែមួយគត់នៅកម្ពុជា ដែលត្រូវបានបង្កើត ឡើងក្រោមស្នាព្រះហស្តរបស់ព្រះករុណា ព្រះ នរោត្ដម សីហនុ ព្រះបរមរតនកោដ្ឋ នាកាលសម័យ សង្គមរាស្ត្រនិយម។

ក្រោយការបង្កើតឱ្យមានរួចហើយ ស្ថាប័ននេះ មិនបានដំណើរការសកម្មភាព ស្រាវជ្រាវនោះទេ ដោយសារជាតិប្រទេសធ្លាក់ទៅក្នុងភ្នក់ភ្លើងសង្គ្រាម។ រាជបណ្ឌិត្យសភាកម្ពុជា ត្រូវ បានរៀបចំបង្កើតឡើងវិញនៅអំឡុងឆ្នាំ១៩៩៩ ដោយឯកឧត្ដមបណ្ឌិតសភាចារ្យ ស៊ន សំណាង និង ដោយមានការឧបត្ថម្ភគាំទ្រពីរាជរដ្ឋាភិបាលកម្ពុជា និងព្រះករុណា ព្រះ នរោត្ដម សីហនុ ព្រះបរមរតន កោដ្ឋ ផងដែរ៕​ដោយ៖ គង់ ឌិន